Тошкент шаҳридаги дўконлардан бирига бостириб кириб, у ердан 1,4 миллион сўм, телефон ва бир блок тамаки олиб чиқиб кетган шахсларга нисбатан жиноят иши қўзғатилди. Бу ҳақда «Тошкент» телеканали орқали узатилган лавҳада маълум қилинди.
Маълум қилинишича, 17 август куни соат 04:30 лар атрофида икки нафар ниқобли эркак пойтахтнинг Юнусобод туманидаги дўконлардан бирига ўғриликка тушган. Бу вақтда сотувчилардан бири ухлаётган, иккинчиси ҳам уйқу аралаш ҳолатда бўлган. Қўлларидаги пичоқ билан сотувчига таҳдид қилган шахслар савдодан тушган пуллар ва бир қути тамакини олиб чиқиб кетган.
Босқинчилар кетгач, сотувчилар 102 рақамига қўнғироқ қилган.
Олиб борилган тезкор суриштирув ишлари натижасида ушбу шахслар давлат рақамлари ечиб олинган оқ рангли Spark автомобилида воқеа жойидан яширингани аниқланган. Суриштирув давомида автомобиль топилган ва икки босқинчи ушланган.
«Киноларни гаплашиб кетдик… Киноларда кўрганимиздек, қизиқиб, қўрқитиш мақсадида кирдик. Тўғрисини айтсам, ҳазил-ҳазил билан чиқиб кетиб қолди бу нарса», — дейди қўлган олинган гумонланувчилардан бири.
Ҳолат юзасидан Юнусобод тумани ИИО ФМБ тергов бўлими томонидан Жиноят кодексининг 164-моддаси (босқинчилик) 2-қисми билан жиноят иши қўзғатилган.
Аввалроқ Яшнободдаги дўконда сотувчига пичоқ тираб, кассадаги пулларни ўмариб кетган тўрт шахсдан иккитаси қўлга олингани тўғрисида хабар берилганди.
Изоҳ (0)