Вашингтон университетининг Сент-Луисдаги тиббиёт мактаби олимлари коронавируснинг маълум бўлган барча мутацияларини зарарсизлантира оладиган антитаначани аниқлади. Тадқиқот натижалари олий таълим муассасасининг сайтида эълон қилинган деб хабар беради «Korrespondent.net».
Тадқиқотчилар тажриба давомида 43 та намунани ўрганган ҳамда уларнинг ҳужайраларни касалликдан ҳимоя қилиш қобилиятини таҳлил қилган. Шундан сўнг улар орасидаги энг истиқболли тўққизтаси сичқонларда синалиб, якунда энг самарали иккитаси танлаб олинган.
Олимлар SARS2-38 антитанаси коронавируснинг ҳозирда тарқалган вариантлари, шунингдек, камёб мутациялари билан кураша олишини аниқлаган — у спайк оқсилининг ўзгаришсиз қолаётган қисмига кириб бора олади.
Мутахассислар SARS2-38 антитанасининг паст концентрацияда ҳам нейтраллаш қобилияти, шунингдек, барча турдаги инфекция қўзғатувчиларга таъсирини кўрсатишини ўзига хос жиҳати сифатида эътироф этмоқда.
Тадқиқот муаллифларининг фикрича, ушбу янгилик коронавирусга чалинганларни тез ва ишончли даволашга имкон беради. Энг яхши натижаларга комбинациялашган терапия ёрдамида эришиш мумкин.
Аввалроқ тиббиёт ходимлари коронавирусга чалинган эмланган ва эмланмаган беморларнинг ўпкаларини ўзаро таққослаганди.
Изоҳ (0)