Германиянинг Ўзбекистондаги элчихонаси виза бериш номаълум муддатга тўхтатилганини маълум қилди. Элчихона буни «ташқи сиёсатдаги махсус вазият» билан изоҳлаган.
22 август куни эълон қилинган хабарда айтилишича, Германиянинг Тошкентдаги элчихонасида, айниқса, виза олиш учун тайинланган қабуллар шу вақтдан эътиборан кучга кириши билан бекор қилинади.
«Янги визага ёзилиш вақтлари ҳақида, ҳамда виза олиш учун учрашувлар ҳақида керакли вақтда хабар берилади. Сўровномаларингизни юбормаслигингизни илтимос қиламиз. Бу борадаги саволлар ҳозирча жавобсиз қолади», — дейилади элчихона хабарида.
Германия айни пайтда европалик ва афғонистонлик фуқароларни Афғонистондан Ўзбекистон ҳудуди орқали эвакуация қилишда давом этмоқда. Бунинг учун Ўзбекистон алоҳида терминал ажратди.
Ташқи ишлар вазирлиги маълумотларига кўра, 20 августга келиб Ўзбекистон орқали 2000 га яқин хорижий фуқаро Афғонистондан эвакуация қилинган.
Изоҳ (0)