Хитойнинг ГАC маркаси ўзининг иккита янги қувватлантириш тизимини намойиш этди. Уларнинг энг кучлиси 6C номини олган: унинг максимал қуввати 500 киловаттни ташкил этади ва у электрокарни 0 дан 80 фоизгача 10 дақиқада қувватлантиришга қодир. Таққослаш учун, Tesla Supercharger В3’нинг ушбу кўрсаткичи 250 киловаттга тенг бўлиб, қувватлантириш учун ярим соатга яқин вақт кетади, деб хабар беради Motor.
Тизимнинг ишини намойиш этиш вақтида дастлабки тўрт дақиқа ичида аккумуляторнинг тахминан ярми қувватланилган, 80 фоизли қувватга етиш учун эса беш дақиқадан камроқ вақт сарфланган. Автомобиль ишлаб чиқарувчи ўта тезкор 6Cъдан ташқари 3C номли кичик моделни ҳам тақдим этган бўлиб, уни 0 дан 80 фоизга қувватлантириш учун 16 дақиқа, 30 дан 80 фоизга қувватлантиришга эса 10 дақиқа кифоя қилади.
Ҳозирда ўта юқори қувватланиш фуксиясини қўллаб-қувватлайдиган ягона модель — Аион V (ГАC суббренди) ҳисобланади. Автомобиль ишлаб чиқарувчининг таъкидлашича, экспресс-қувватланиш аккумуляторга зарар етказмайди. 6C хона ҳароратида йиллик тезкор қувватланиш орқали миллион километр масофани босиб ўтишга хизмат қилади.
Аион V премьераси 2021 йилнинг август бошида бўлиб ўтди. Янги модель Хитой бозори учун муқобили бўлмаган 183 от кучили электромотор ва 70 ҳамда 80 киловатт-соатли батареелар варианти билан тақдим этилган. Бу каби батареяларга эга модель бир марта қувватланиш орқали мос равишда 500 ёки 600 километр йўл боса олади. Аион V нархи 177,6 минг юандан (27,3 минг доллар) бошланади.
Европалик автомобиль ишлаб чиқарувчилар ҳам электрокарларни қувватлантириш вақтини қисқаритириш устида иш олиб бормоқда. Масалан, 2018 йилда Германияда қуввати 450 киловаттга тенг иккита тажриба терминали ўрнатилган. Улар батарея сиғими 90 киловатт-соат бўлган Porsche электрокарлари ёрдамида синовдан ўтказилган: қўшимча 100 километр масофани босиб ўтишга етадиган қувват учун уч дақиқа етган. Бундант ашқари, қувватлантиргич 57 киловатт-соатли батареяга эга BMW и3’да ҳам синовдан ўтказилган: электрокар 10 дан 80 фоизгача бўлган қувватни 15 дақиқа ичида тўплаган.
Мавзуга доир: Янги Jeep йўлтанламаси сув остида ҳам ҳаракатлана олади
Изоҳ (0)