«Толибон» ўз жангариларига Кобулга ҳужум қилмасликни буюрди. Ташкилот ва ҳукумат ўртасида Кобулга тинч йўл билан кириш бўйича музокаралар ўтказилмоқда

«Толибон» ҳаракати ўз жангариларига Кобулга ҳужум қилмаслик ҳақида буйруқ берди. Бу ҳақда ташкилот расмий вакили Забихулла Мужоҳид маълум қилди.

«Биз жангчиларимизга Кобул дарвозаси олдида қолишни ва шаҳарга ҳужум қилмасликни буюрдик», — деди у.

Афғонистоннинг 1TV телеканали ахборотига кўра, «Толибон» раҳбарияти ўз отрядларига Кобул чегарасидан ичкарига кирмаслик ҳақида фармон берган. Айни пайтда «Толибон» «мамлакат ҳукумати билан ҳаракат отрядларининг шаҳарга тинч йўл билан кириши ҳақида музокаралар олиб бормоқда, дейилади телеканал хабарида.

Аввалроқ «Толибон» ҳаракати Кобулга ҳужум бошлагани хабар берилган эди. Жангарилар Кобулга ҳар томондан кириб бормоқда.

Айни вақтда мамлакат президенти маъмурияти эса Кобул ҳужумга учрамагани ва шаҳардаги вазият назорат остида эканини таъкидламоқда.

Бундан ташқари, «Толибон» ҳаракати вакиллари айни пайтда Афғонистондаги барча чегара пунктларини назорат қилмоқда.

АҚШ, Буюк Британия ва Чехия Кобулдаги элчихоналари ходимларини эвакуация қилмоқда.