2021 йилнинг июль ойи дунё тарихидаги энг иссиқ ой бўлди

2021 йилнинг июль ойи дунёнинг бутун кузатувлар тарихидаги энг иссиқ ой бўлди. Бу ҳақда Америка ОАВлари Миллий океан ва атмосфера маъмурияти маълумотларига таяниб хабар берди, деб ёзади «Интерфакс»

«Июль, одатда, дунёдаги энг иссиқ ой, лекин 2021 йилнинг июль ойи тарихдаги энг иссиғи бўлди. Бу янги рекорд дунёдаги иқлим ўзгаришига ташвиш келтирувчи ва зарарли йўлда ҳамроҳ бўлиб қўшилиши мумкин», — дея маъмурият вакили Рик Спинраднинг сўзларини келтирди ОАВ.

«Ушбу ҳолатда биринчи ўрин — энг ёмони», — деб изоҳлади эксперт.

Бошқарма маълумотларига кўра, жорий июль ойида бутун дунё бўйлаб қуруқлик ва океан сиртининг умумий ҳарорати 20-асрдаги ўртача 1,67 даражадан юқори бўлган. Шу билан бирга, кузатувларни рўйхатга олиш 142 йил олдин бошланган.

Аввалги рекорд 2016 йилда ўрнатилган ва бу йилги рекорддан 0,02 даражага паст бўлган. Осиё рекорд даражадаги энг иссиқ июлни қайд этди, бу 2010 йилдаги рекорддан ошиб кетди. Европа рекорд даражадаги иккинчи энг иссиқ июлни қайд этди, бу йилги ҳарорат 2010 йилнинг июлидаги даража билан бир хил бўлди, лекин 2018 йилнинг июлидаги ўртача ҳароратдан ошмади. Шимолий Америка, Жанубий Америка, Африка ва Океанияда 2021 йилнинг июли тарихдаги энг иссиқ июль ўнлигига кирди.

Аввалроқ Бирлашган Миллатлар Ташкилотининг Иқлим ўзгариши бўйича ҳукуматлараро гуруҳи кўплаб иқлим ўзгаришлари доимий бўлиб қолиши ҳақида огоҳлантирувчи ҳисобот эълон қилганди. Ҳисоботда таъкидланишича, агар иссиқхона заҳарли газлари зудлик билан камайтирилмаса, келгуси ўн йилликларда глобал ўртача ҳарорат кўтарилишини 1,5 ёки ҳатто 2 даражагача чеклашнинг иложи бўлмайди.

Шунингдек, олимлар Арктикада ҳаво ҳарорати сайёранинг бошқа минтақаларига қараганда тезроқ қизиётганини маълум қилганди. Бу жараён эса сайёрадаги об-ҳаво учун салбий оқибатларга олиб келиши мумкин.