Миллиардлаб долларлар барчанинг кўз ўнгида: дунёдаги энг қиммат мегалойиҳалар (фото)

Ҳар бир улкан лойиҳаларнинг қиймати миллиардлаб долларга баҳоланади. Уларнинг кўлами ва ҳажми инсонларни ҳайратда қолдиради. Дунёдаги энг йирик ва энг қиммат лойиҳалар билан танишинг.

Буюк Сето кўприги, Япония – 75 000 000 000 доллар

Бу 13 километр узунликдаги 11 кўприкли тизим бўлиб, у Япониянинг иккита оролини – Хонсю ва Сикокуни бўйлаб, ички денгизни кесиб ўтади. Кўприк 1998 йилда қурилган, у икки қаватдан иборат. Уларнинг бирида поездлар, иккинчисида эса машиналар ҳаракатланади. Кўприк, шунингдек, велосипед, пиёда йўллари учун мўлжалланган ва ҳатто келажакда тезюрар поездлар учун қайта жиҳозланиш имкониятига эга.

Калифорния тезюрар темир йўли, АҚШ – 77 000 000 000 доллар

Ушбу лойиҳа Сан-Франциско, Лос-Анжелес, Сакраменто ва Сан-Диего каби йирик шаҳарларни боғлайди. Лойиҳа 2008 йилда ишга туширилган ва уни 2016 йилга қадар тугатилиши керак эди, бироқ кўприк шу қадар қиммат ва кўп вақт талаб қилганки, уни тугатиш муддати 2033 йилга кўчирилган. Қурилиш босқичида уни ёпиш эҳтимоли катта, чунки 77 миллиард доллар сармоя етарли эмас, хом ашё ва ишчи кучи нархи кундан кунга ўсиб бормоқда.

Ал-Мактум халқаро аэропорти, БАА – 82 000 000 000 доллар

Аэропорт 2010 йилда очилган, лекин у ҳали ҳам қурилишда давом этмоқда ва охирги ишлар 2027 йилга режалаштирилган. Ал-Мактум дунёдаги энг катта аэропорт бўлиши кутилган эди. Унинг майдони тахминан 5 километр² ни ташкил этади ва транспорт марказининг ўзи кўчалар, дўконлар, меҳмонхоналар, ресторанлар ва экскурсия хизматлари бўлган кичик шаҳарчага ўхшайди. Айниқса, терминалларни боғлайдиган ва вақтни тежайдиган темир йўл линияларининг қурилиши қимматга тушди.

Деҳли-Мумбай саноат коридори, Ҳиндистон – 100 000 000 000 доллар

Лойиҳа инфратузилманинг тўлиқ ўзгариши ва юқори технологияли завод ва корхоналар қурилиши билан Ҳиндистоннинг иккита йирик шаҳрининг саноатини ривожлантиришдан иборат. Бу Ҳиндистон ҳукуматининг мамлакат иқтисодиётини ривожлантириш йўлидаги қадамларидан биридир.

Ўрмон шаҳри, Малайзия – 100 000 000 000 доллар

Бу 2040 йилга қадар қурилиши керак бўлган тўртта сунъий оролда қурилган орзулар шаҳри. Гарчи таҳлилчилар дунёдаги шаҳар тақдирини башорат қилса-да, мамлакат маъмурияти келажакка умид билан қарайди ва осмонўпар бинолар, кўприклар ва йўллар қуришда давом этмоқда. Шаҳарнинг асосий хусусияти ўрмонлардаги каби кўкаламзорларнинг кўплиги бўлади.

Ал-Ҳарам масжиди, Макка, Саудия Арабистони – 100 000 000 000

Бу дунёдаги энг катта масжид ва бутун исломнинг маркази, ҳовлисида Каъба – исломнинг асосий зиёратгоҳи жойлашган. Бу биринчи қурилган масжид бўлса-да, лекин кейинчалик у бир неча бор қайта ишланган ва катталаштирилган. Охирги реконструкция 2007—2015 йилларда бўлиб ўтди ва инвестиция қилинган маблағ қўшимча миноралар, дарвозалар қурилиши ва майдонларни ривожлантиришга кетди. Энди масжид бир вақтнинг ўзида 2,5 миллион кишини сиғдира олади.

HS2 тезюрар темир йўли, Буюк Британия – 128 000 000 000

Мамлакат аҳолиси анчадан буён асосий воситалар ва молиявий маблағлар Лондонга оқиб келаётганидан, бошқа йирик шаҳарлар эса аҳволга тушиб қолганидан хавотирда. Ҳукумат бу муаммони ҳал қилиш учун сайёҳлар ва ишбилармонларни бир неча соат ичида Лидс ёки Манчестер каби йирик шаҳарларга олиб борадиган янги тезюрар темир йўл қуришга қарор қилди. Биринчи қатновлар 2031 йилда, охирги қурилиши эса 2040 йилларга режалаштирилган.

Ипак шаҳри, Кувайт – 132 000 000 000 доллар

Улар бу шаҳарни 25 йилда қуриб, фойдаланишга топширишга ваъда берган. Бу вақтга келиб, у янги Шарқ услубида замонавий осмонўпар бинолар, миноралар, кўнгилочар ва иқтисодий марказлар, шунингдек, чўл қўриқхонаси бўлган замонавий бизнес ва сайёҳлик маркази бўлади. Шаҳар 250 квадрат километр майдонни эгаллайди, у 700 минг кишини сиғдира олади. Лойиҳа 4 босқичга бўлинган ва айни пайтда биринчи сайёҳларни қабул қилишни бошлаш ва молиялаштиришни қўллаб-қувватлаш учун қирғоқ чизиғи фаол равишда ишлаб чиқилмоқда.

Халқаро космик станция – 165 000 000 000 доллар

Бу энг ажойиб лойиҳалардан бири эди. ХКС 20 йилдан ортиқ вақтдан бери фаолият юритиб келмоқда ва ўз ҳаётини фазо ва унинг чегараларини ўрганишга бағишлаган кўплаб астронавтлар учун вақтинчалик уйдир. Худди шу расмларда станциянинг ичкаридан қандай кўринишини билиб олиш мумкин.

Неом, Саудия Арабистони – 230 000 000 000 доллар

Бу ном «келажак шаҳри» билан боғлиқ. Саёҳатчиларни жалб қилиш учун араблар ҳеч нарсани аямадилар ва ҳақиқий кўнгилочар шаҳарни яратишни режалаштирмоқда, бу ерда ҳар қадамда ҳаяжонли нарса кутиб туради. Қурилишнинг биринчи босқичи 2030 йилда якунланиши режалаштирилган.

Форс кўрфази темир йўли – 250 000 000 000

Бу лойиҳа Саудия Арабистони, БАА, Қатар ва Кувайт каби Форс кўрфазидаги барча 6 мамлакатни бирлаштиради. 2025 йилга келиб, Финляндия қурилиш компанияси мамлакатларнинг барча марказий шаҳарлари ва пойтахтларини боғлайдиган 1350 километр йўл қуришни режалаштирмоқда. Бу йўловчи ва юк ташиш учун янги имкониятлар очилишига, шунингдек, 80 минг кишини доимий иш билан таъминлашга ёрдам беради.

Шаҳарларни янгилаш лойиҳаси, Туркия – 400 000 000 000

Мамлакатда юз йиллар давомида мавжуд бўлган шаҳарлар бор, лекин улар тарихий қийматига қарамай, аҳоли учун муаммо туғдиради, чунки эски бинолар замонавий одамларнинг эҳтиёжларини қондирмайди. Туркия ҳукумати бир қанча шаҳарларни қайта қуриш учун маблағ ажратди, шунда улар нафақат тарихий қиёфасини, маданий аҳамиятини сақлаб қолади, балки аҳоли ва сайёҳлар учун янада қулайроқ бўлади. Лойиҳага кўра, қурувчилар ҳар йили 500 та объектни тайёрлаб топширади.