Ҳужумчи Лионель Месси «ПСЖ»га ўтганидан кейин илк матбуот анжуманида иштирок этди ва қатор саволларга жавоб берди.
«ПСЖ»га ўтгани ҳақидаЭслатиб ўтамиз, аргентиналик футболчи «ПСЖ» билан 2+1 кўринишида шартнома имзолади. Бунгача у «Барселона» сафида 2003 йилдан буён шарафини ҳимоя қилиб келаётганди. Унинг каталонлар билан шартномаси 2021 йилнинг июнь ойи охирида якунига етган.Жуда хурсандман. «Барселона»дан қай тарзда кетганимни ҳамма билади. Аммо «ПСЖ»га ўтганимдан кейин ўзимни бахтли ҳис қиляпман.
Машғулотларни бошлашни сабрсизлик ила кутяпман, чунки ўз жамоадошларим билан яқиндан танишишни ва фаолиятимнинг янги босқичини бошлашни жуда хоҳлайман. «ПСЖ» раҳбариятига миннатдорчилик билдираман. Ҳаммаси мукаммал ўтди. Барчангизга бундай кутиб олиш учун раҳмат.
Жуда бахтиёрман, ғалабага бўлган ташналигим худди аввалгидек. Таркибимиз жуда ажойиб. Барча совринлар учун курашишга тайёрмиз. Шунинг учун ҳам бу клуб билан шартнома имзоладим.
Барча парижликларга миннатдорчилик билдирмоқчиман. Мен келганимда, бу ерда ўзига хос кайфият ҳукмрон эди. Бу жуда ажойиб бўлди.
Чемпионлар Лигасида ғалаба қозонмоқчилиги ҳақида
Барча мухлислардан миннатдорман, бунга шунчаки ақл бовар қилмайди. Катта раҳмат. Кўришиш ва гаплашиш учун ҳали кўп вақтимиз бўлади. Ажойиб мавсум ўтказамиз деб умид қиламан.
Чемпионлар Лигасини ютиш қийин, бунга кучли таркиб керак. Омад ҳам муҳим омилдир. Баъзида дунёнинг энг яхши жамоаси ҳам соврин юта олмайди. Биз эса Чемпионлар Лигасида ғолиб чиқмоқчимиз.
Жамоадаги дўстлари ҳақида
Кийиниш хонасида кўплаб дўстларим бор. Жамоамизга назар ташласангиз, мақсадимизга [Chempionlar Ligasida g‘olib bo‘lish] эришиш учун кўп имкониятлар борлигини кўрасиз. Ҳаммамиз бир нарсани хоҳлаймиз. Умид қиламанки, биргаликда мақсадимизни амалга ошира оламиз.
Жамоадаги футболчилар бу ерга келишимда муҳим рол ўйнади. Биз яна биргамиз — мен, Неймар, Паредес, ди Мария. Албатта, бу муҳим рол ўйнади.
Қачондир «Барселона»га қарши ўйнаши ҳақида
Кетишимдан олдин «Барса» мухлисларига уларнинг севгисидан доим миннатдор бўлишимни айтгандим. Улар кучли клуб билан шартнома имзолашимни биларди.
«ПСЖ» билан бир хил мақсадларга эгамиз. Қачондир «Барса»га қарши ўйнай оламанми, билмайман. Бир томондан, бу жуда яхши бўларди, лекин уйда бошқа жамоа сафида ўйнаш ғалати.
Франция чемпионати даражаси ҳақида
Бу ерда менинг дўстларим ўйнайди, баъзида уларнинг ўйинларини кузатардим. «ПСЖ» ёрдамида Франция чемпионати катта ютуқларга эришди. Қолган клублар «ПСЖ»га қарши курашиш учун ривожланишга ҳаракат қилмоқда.
Бу чемпионатни биламан. Бу мен учун янги тажриба бўлади. Янги лига билан танишиш имкониятига эга бўлганимдан жуда хурсандман.
Лионель Месси, «ПСЖ» ҳужумчиси
Изоҳ (0)