Олий ва ўрта махсус таълим вазири Абдуқодир Тошқулов ҳамда вазирликнинг бошқа раҳбарлари коронавирусга қарши вакцина билан эмланди. Бу ҳақда вазирлик матбуот хизмати хабар қилди.
Маълум қилинишича, вазирлик жамоаси раҳбарлар бошчилигида вакцинанинг иккинчи дозасини қабул қилган.
«Шу билан бирга ҳозирда касаллик юқиш хавфи юқори бўлган кишилар қаторида олий таълим муассасалари профессор-ўқитувчилари ва талабалари ҳам вакцинация жараёнида ихтиёрий равишда фаол иштирок этишмоқда», — дейилади вазирлик хабарида.
Бундан аввал Сенат раиси Танзила Норбоева, маҳалла ва оилани қўллаб-қувватлаш вазири Раҳмат Маматов, маданият вазири Озодбек Назарбеков, мактабгача таълим вазири Агриппина Шин, Наманган вилояти ҳокими Шавкат Абдураззоқов, халқ таълими вазири Шерзод Шерматов, собиқ соғлиқни сақлаш вазири Алишер Шодмонов ва соғлиқни сақлаш вазирининг ўринбосари — Тошкент шаҳар Соғлиқни сақлаш бош бошқармаси бошлиғи Анвар Олимов, Олий Мажлис Қонунчилик палатаси депутати Расул Кушербаев, Тошкент шаҳар ҳокими Жаҳонгир Ортиқхўжаев, Тошкент вилояти ҳокими Даврон Ҳидоятов ҳамда маҳалла ва оилани қўллаб-қувватлаш вазири ўринбосари Ботир Парпиев коронавирусга қарши эмланганди.
Изоҳ (0)