«Халқ банки»да тижорат кредитлари вақтинча тўхтатилди, деб хабар бермоқда банк матбуот хизмати.
Қайд этилишича, бу муаммоли кредитлар салмоғи ошиб кетгани сабабли тўхтатилди, аммо яқин кунларда қайтган маблағлар ҳисобидан ушбу кредитларни бериш йўлга қўйилади.
Давлат дастурлари доирасидаги имтиёзли кредитлар эса берилмоқда. Бу йўналишдаги кредитлар муаммоли кредитлари кўп бўлмаган ва кредитлар ўз вақтида қайтаётган филиалларда қайтган маблағлар ҳисобидан берилади.
Марказий банк маълумотларида келтирилишича, 1 июль ҳолатига кўра, «Халқ банки»даги кредитларнинг 15 фоизи (21 348 тадан 3204 таси) муаммоли кредитлардир. «Халқ банки» ушбу кўрсаткич бўйича давлат улушига эга банклар орасида «УзАгроЕкспортБанк»дан сўнг (62,6 фоиз) иккинчи ўринда.
Мавзуга доир:
- Шавкат Мирзиёев кредит олиш мақсадида «кўзбўямачилик» қилинаётган лойиҳаларни танқид қилди
- Шавкат Мирзиёев муаммоли кредитлар бўйича масъул раҳбарларни танқид қилиб, қарздорликларни ундириш юзасидан топшириқ берди
- «Валютадаги кредитларни фақат экспорт қилувчи тадбиркорларга беришимиз керак» – бош вазир ўринбосари
Изоҳ (0)