Сурхондарёда 19 йилга қамалган маҳбусни 70 минг долларга мансабдор таниши орқали чиқариб бермоқчи бўлган шахс ушланди. Бу ҳақда «Ёшлар» телеканалининг «Янги давр» информацион дастурида маълум қилинди.
Маълум қилинишича, 2021 йилнинг 9 июль куни Сурхондарё вилоятида ҳуқуқни муҳофаза қилувчи орган ходимлари билан ҳамкорликда тезкор тадбир ўтказилган. Тадбирда Шўрчи туманида яшовчи муқаддам судланган 32 ёшли фуқаро термизлик 38 ёшли танишидан 10 йилдан бери Косон туманидаги қамоқхонада жазони ўтаётган маҳкумни озодликка чиқариш учун 70 минг сўраган.
Э. исмли ушбу фуқаро танишини ИИВ Жазони ижро этиш департаментида яқин таниши ишлашини айтиб, ишонтирган.
Шундан сўнг тезкор тадбир натижасида Э. сўралган пулдан 25 минг долларни Тошкент шаҳрида олаётган вақтда ушланди.
Ҳозирда мазкур ҳолат юзасидан Э.га нисбатан Жиноят кодексининг 168-моддаси (фирибгарлик) 4-қисми ва 211-моддаси (пора бериш) 1-қисми билан жиноят иши қўзғатилган.
Аввалроқ Ўзбекистон ИИВ академияси қошидаги сержантлар тайёрлаш мактабига ўқишга киритиб қўйиш эвазига фуқародан 13 минг доллар талаб қилган шахс қўлга олингани, Сурхондарёда 50 сотих ерни ўзига тегишли эканлигига ишонтириб, 150 миллион сўмга сотмоқчи бўлган шахс ушлангани тўғрисида хабар берилганди.
Изоҳ (0)