Президент Шавкат Мирзиёев 29 июль куни Олмалиқ кон-металлургия комбинатининг «Ёшлик-1» конини бориб кўрди, деб хабар беради давлат раҳбарининг матбуот хизмати.
Ташриф давомида давлат раҳбарига коннинг салоҳияти, уни ўзлаштириш бўйича қилинаётган ишлар ҳақида маълумот берилган.
Ҳудуди 11 минг гектар бўлган мазкур кондан йилига 65 миллион тонна маъдан қазиб олинади. 60 миллион тонна мис-молибден рудасини қайта ишлаш қувватига эга 3-Мис бойитиш фабрикаси қурилади. Шунингдек, оҳак заводи, 650 мегаваттли электр тармоғи ва бошқа инфратузилма объектлари барпо этилади.
Лойиҳа доирасида ўтган 4 йилда замонавий геологик тадқиқотлар, конда 83 миллион куб метрдан ортиқ ҳажмдаги қазиш ишлари бажарилган. Бунинг учун умумий қиймати 415 миллион доллар бўлган 570 дан зиёд махсус техникалар жалб этилган.
Ушбу улкан лойиҳа 2024 йилда ишга туширилиши, жами 6 мингта иш ўрни ташкил этилиши режалаштирилган.
Таъкидлаш керакки, Олмалиқ кон-металлургия комбинати очиқ ва ерости конлари, металлургия ва цемент заводлари, кенг қамровли инфратузилма объектларини бирлаштирган улкан саноат мажмуасидир. Мамлакатда ишлаб чиқарилаётган саноат маҳсулотининг 7 фоизи, экспорт ҳажмининг 15 фоизи мазкур комбинат ҳиссасига тўғри келади. Охирги йиллардаги эътибор натижасида янги конлар топилиб, ишлаб чиқариш ҳажми янада оширилмоқда.
«Ёшлик-1» конини ўзлаштириш инвестиция лойиҳаси Ўзбекистон Президентининг 2017 йил 1 мартдаги қарорига мувофиқ бошланган бўлиб, ушбу лойиҳанинг қиймати 4 миллиард 894 миллион долларни ташкил этади.
Эслатиб ўтамиз, 2017 йилнинг августида Президент Шавкат Мирзиёев Олмалиқ шаҳрига Ўзбекистон Республикаси Президенти Шавкат Мирзиёев 11 август куни Олмалиқ шаҳрига ташриф буюрди. «Олмалиқ кон-металлургия комбинати ривожланишининг иккинчи босқичи» лойиҳаси бўйича ишларни бошлашга бағишланган тантанали маросим бўлиб ўтди, «Олмалиқ кон-металлургия комбинати ривожланишининг иккинчи босқичи» лойиҳаси бўйича ишларни бошлашга бағишланган тантанали маросимда иштирок этганди.
Изоҳ (0)