Олий ва ўрта махсус таълим вазирлиги академик лицейларга кириш имтиҳонлари санасини маълум қилди.
Кириш имтиҳонлари 26—28 август кунлари Давлат тест маркази томонидан махсус павильонларда ўтказилади. Кириш имтиҳонлари заруриятга кўра икки сменада ўтказилиши мумкин.
Хабарда айтилишича, Ўзбекистонда коронавирус пандемияси билан боғлиқ эпидемиологик вазиятдан келиб чиқиб, мазкур кириш имтиҳонлари билан боғлиқ ўзгаришлар бўлганда, вазирликнинг расмий веб-сайти edu.uz ҳамда @eduuz расмий Telegram-канали орқали қўшимча маълумот эълон қилинади.
Эслатиб ўтамиз, аввалроқ Олий ва ўрта махсус таълим вазирлиги академик лицейларда дастлабки саралаш ҳамда асосий имтиҳонлар августдан сентябрь ойига қолдирилганини маълум қилганди. Нима учун имтиҳонларни август ойи охирларида ўтказишга қарор қилинганига вазирлик аниқлик киритмаган.
Изоҳ (0)