Швециянинг Эскилстуна шаҳри яқинидаги Хеллби қамоқхонасининг икки маҳбуси икки нафар ходимни гаровга олди. Аввалига улар вертолёт талаб қилган, кейин эса 20 та кабоб-пицца буюрган, деб ёзади Esquire.
Қотиллик учун 18 йилга озодликдан маҳрум этилган 30 ёшли Исак Девит ва 24 ёшли Ханед Маҳамед Абдуллаҳи қўриқчилар хонасига кириб олиб, тиш чўткасига қотирилган лезвиялар билан таҳдид қилган ҳолда қамоқхонанинг икки нафар ходимини гаровга олган. Жиноятчилар, шунингдек, қамоқхонанинг энг юқори хавфсизлик классига эга кузатув камераларини ёпиб қўйган.
Шундан сўнг, қамоқхонага музокарачи юборилган, қолган маҳбуслар ҳам эркакларни таслим бўлишга чақирган. Қамоқхона биноси олдида тез ёрдам, ўт ўчириш машинаси ва полиция вертолёти навбатчилик қилган. Музокаралар соат 12:00 дан бошланган, кечга бориб жиноятчилар вертолёт талаб қилишни тўхтатиб, ўзлари ва камерадошлари учун 20 та кабоб-пицца сўраган.
Пиццани олган маҳбуслар гаровга олинганларнинг бирини, орадан икки соат ўтгач эса иккинчисини қўйиб юборган. Озод этилган кузатувчиларга ҳеч қандай жароҳат етмаган. Жиноятчилар қўлга олинган ва полиция маҳкамасига етказилган.
Изоҳ (0)