Ҳукумат қарори билан Олий Мажлис Сенати раисининг биринчи ўринбосари Содиқ Сафоевга Жаҳон иқтисодиёти ва дипломатия университети ректори вазифасини бажариш юклатилди. Бу ҳақда Telegram’даги «Ҳуқуқий ахборот» канали хабар берди.
Содиқ Сафоев (1954 йилда туғилган) Тошкент давлат университети битирувчиси (1976 йил). 1990—1992 йилларда Гарвард университетида амалиёт ўтаган, Ўзбекистон Президенти аппарати ва Фанлар академиясида ишлаган. Сафоев турли йилларда ташқи ишлар вазири, Ўзбекистоннинг Германиядаги элчиси, Президентининг давлатлараро муносабатлар ва ташқи иқтисодий алоқалар масалалари бўйича давлат маслаҳатчиси, Ўзбекистоннинг АҚШдаги элчиси, Олий Мажлиси Сенатининг Ташқи сиёсат масалалари қўмитаси раиси бўлган.
Шунингдек, Содиқ Сафоев 2005 йилнинг февралидан ноябрига қадар Жаҳон иқтисодиёти ва дипломатия университети ректори вазифасида фаолият юритган. 2016 йилнинг декабрида Олий Мажлис Сенати раисининг биринчи ўринбосарига айланган, 2020 йилнинг январида ушбу лавозимга қайта сайланган эди.
Аввалроқ 2020 йилнинг сентябридан буён Жаҳон иқтисодиёти ва дипломатия университети ректори лавозимида фаолият юритиб келган Комилжон Каримов олий ва ўрта махсус таълим вазири ўринбосари этиб тайинланган эди.
Изоҳ (0)