«Жоним фидо» Yash Raj Films’нинг энг яхши фильмларидан бири саналади. Кўзи ожиз Зуни ва унинг сирли ошиғи Рейҳаннинг ажойиб севги ҳикояси ҳатто энг жиддий мухлисни ҳам бефарқ қолдирмайди. Томошабинни экран қаршисига михлаб қўядиган фильм билан боғлиқ қизиқарли фактларни эътиборингизга ҳавола этамиз.
Фильм премьераси Ҳиндистоннинг Гужаротдан бошқа барча штатларида бўлиб ўтган. Бунга актёр Амир Хоннинг Гужаротдаги партия вакиллари билан ўртасида келишмовчилик борлиги сабаб бўлган. Актёр штатдаги муаммоларга ечим топиш методига танқидий баҳо берганидан кейин гужаротликлар кинотеатрларда «Жоним фидо»ни кўрмаган.
Бу Амир Хоннинг Yash Raj Films билан илк ҳамкорлиги бўлган, Кажол эса биринчи марта кўзи ожиз қизни гавдалантирган. Фильмнинг ҳақиқий номи «Фанаа» бўлиб, бу ном турли тилларда фарқли «Йўқотилган», «Само билан бирлашган» деган маъноларни англатади.
Мазкур картинада Кажол ва Амир Хон илк марта жуфтлик сифатида суратга тушган. Суратга олиш жараёнидан кейин яхши дўст бўлиб қолган юлдузлар узоқ вақт давомида бир-биридан ҳол-аҳвол сўраб турган. Актёр интервьюларидан бирида Кажол суратга олиш майдончасидаги энг яхши партнёрларидан бири эканини таъкидлаган.
Сценарийга кўра, воқеалар ривожининг бир қисми Кашмир тоғларида содир бўлади. Аммо ушбу эпизодлар Польшадаги Tatra тоғларида суратга олинган.
Қолаверса, суратга олиш ишларида Малайзияда ҳам бўлиб ўтган. Деярли бир кун у ерда бўлган Амир Хон бу вақт мобайнида маҳаллий матбуотга интервью беришга ҳам муваффақ бўлган.
Ушбу фильмдаги ижроси учун Кажол энг яхши актриса сифатида Filmfare Award мукофотини қўлга киритган.
Фильмда бош қаҳрамон ролини ижро қилган юлдузлар «Мере Ҳаатҳ Меин» ва «Чанда Чамке» сингари фильмларда вокал ижрочи сифатида иштирок этган.
Изоҳ (0)