Самара вилоятидаги Тольятти шаҳрида жойлашган хостелда 23 нафар Ўзбекистон фуқароси заҳарланди, деб хабар беради «Интерфакс».
Маълумотларга кўра, 20 июлга ўтар кечаси Тольяттидаги хостелда яшовчи 23 нафар хориж фуқаросида оммавий касалланиш кузатилган. Натижада уларнинг 13 нафари заҳарланиш белгилари билан 5-сонли Тольятти клиник шифохонасига ётқизилган, ҳозирда уларда аҳволи қониқарли дея баҳоланмоқда.
Таъкидланишича, Тупиков тор кўчасидаги хостелда Ўзбекистон фуқаролари яшаб келган.
Толятти Марказий туман прокурори Рамис Сабирзянов текширув давомида чет эл фуқаролари учун яшаш ҳам овқатланишни ташкил қилишда хизмат кўрсатиш соҳасининг фаолиятига қонуний баҳо беради.
Эслатиб ўтамиз, 2019 йилнинг июлида Россиянинг Самара вилоятида 46 нафар ўзбекистонлик заҳарланган эди.
Изоҳ (0)