Ўзбекистонда 17 июль куни 507 кишида коронавирус аниқланиб, мамлакатда COVID-19 расман қайд этилганлар сони 119 388 нафарга етди, деб хабар бермоқда Соғлиқни сақлаш вазирлиги матбуот хизмати.
Янги касалланганларнинг:
- 24 нафари Қорақалпоғистон Республикасида,
- 18 нафари Андижон вилоятида,
- 13 нафари Бухоро вилоятида,
- 55 нафари Жиззах вилоятида,
- 16 нафари Қашқадарё вилоятида,
- 16 нафари Навоий вилоятида,
- 25 нафари Наманган вилоятида,
- 45 нафари Самарқанд вилоятида,
- 28 нафари Сирдарё вилоятида,
- 41 нафари Сурхондарё вилоятида,
- 38 нафари Фарғона вилоятида,
- 12 нафари Хоразм вилоятида,
- 55 нафари Тошкент вилоятида,
- 121 нафари Тошкент шаҳрида
Вазирликнинг қайд этишича, сўнгги суткада жами 478 киши: Қорақалпоғистон Республикасида 44 нафар, Андижон вилоятида 51 нафар, Бухоро вилоятида 45 нафар, Қашқадарё вилоятида 19 нафар, Навоий вилоятида 15 нафар, Наманган вилоятида 35 нафар, Сурхондарё вилоятида 73 нафар, Фарғона вилоятида 32 нафар, Хоразм вилоятида 36 нафар, Тошкент вилоятида 47 нафар, Тошкент шаҳрида 81 нафар бемор тузалиб, касалликдан соғайганлар 114 303 нафарга етди ва соғайиш кўрсаткичи 96 фоизни ташкил этмоқда.
Шунингдек, 3 нафар коронавирусга чалинган бемор вафот этиб, касалликдан вафот этганлар сони 796 нафарни ташкил қилди.
Эслатиб ўтамиз, 16 июлда 501 кишида коронавирус, 416 кишида пневмония, 15 июлда 478 кишида коронавирус, 357 кишида пневмония, 14 июлда 493 кишида коронавирус, 367 нафар кишида пневмония тасдиқланганди. Шу кунлар давомида 4 нафардан бемор вафот этган.
Мамлакатда касалликка чалиниш ҳолатлари ортаётгани сабабли Республика махсус комиссиясининг қарори билан умумий овқатланиш объектлари фаолиятига қўшимча чекловлар киритилди. 20 июлдан бошлаб ресторан, кафе, ошхона ва чойхоналарни соат 08:00 дан 20:00 гача фақатгина очиқ ҳавода ишлашига рухсат берилади. Ўзбекистонда ОТМларга кириш тест синовлари ҳам очиқ майдонларда ўтказилиши белгиланди. Қурбон ҳайити намози ўқилиши бекор қилинди. Жума намозлари ҳам вақтинча ўқилмайди.
Изоҳ (0)