Ўзбекистонда 2021 йилнинг ўтган олти ойи мобайнида жами 3753 та йўл-транспорт ҳодисаси содир этилган. Бу ҳақда ИИВ ЙҲХББ ахборот хизмати хабар берди.
Маълум қилинишича, содир бўлган ЙТҲлар оқибатида 954 нафар фуқаро ҳалок бўлган ва 3170 нафар фуқаро турли даражадаги тан жароҳатлари олган. Умумий йўл-транспорт ҳодисаларининг асосий қисми, яъни қарийб 28 фоизи ҳайдовчилар томонидан белгиланган тезлик меъёрларини бузиш оқибатида келиб чиққан.
Таъкидлаш керакки, Ўзбекистонда 2021 йилнинг дастлабки беш ойи ичида содир бўлган ЙТҲлар оқибатида 770 киши ҳалок бўлган. Шундан келиб чиқадики, июнь ойининг ўзида мамлакатда 184 киши ЙТҲ қурбонига айланган.
Аввалроқ Тошкентда сўнгги олти ой ичида аёллар билан боғлиқ жами 43 та йўл-транспорт ҳодисаси содир этилгани тўғрисида хабар берилганди. Таъкидланишича, тунги рейдлар давомида транспорт воситасини маст ҳолатда бошқараётган аёллар ҳам учрамоқда.
Мавзуга доир: «ЙТҲлар оқибатида коронавирусдан кўра кўпроқ одам вафот этмоқда» — Фарғона вилояти ИИБ бошлиғи
Изоҳ (0)