Бешинчи авлод Kia Sportage модели Жанубий Корея бозорида ажиотажни келтириб чиқарди. Компаниянинг маълум қилишича, биринчи сутканинг ўзидаёқ модель учун 16 078 та олдиндан буюртма келиб тушган ва бу ихчам кроссоверлар сегментидаги янги рекорд ҳисобланади. Бироқ Sportage ички рекордни ўрната олмаган: ўрта ўлчамли Sorento учун Жанубий Корея бозорида бир суткада 18 941 та буюртма келиб тушган эди, деб хабар беради Motor.
Марка раҳбариятининг маълум қилишича, Sportage’нинг бу каби муваффақияти унинг муқобили йўқ «инновацион салони» билан изоҳланмоқда. Салон «катта» Соренто услубида жиҳозланган бўлиб, 12 дюймли қурилмалар панели, мултимедиа тизими экрани, шунингдек, ричаг ўрнига «шайба» селекторига эга бўлган.
Kia ўзининг янги Sportage 6 моделини июлда тақдим этди ва буюртмалар фақат мамлакат бозорида қабул қилина бошланди. Стартда кроссовер иккита моторда тақдим этилмоқда: 180 от кучини (265 Нм) тақдим этишга қодир бензинда ишлайдиган 1,6 литр TGDI ва 186 от кучили (416 Нм) 2,0 литрли дизель. Бундан ташқари, Kia гамманинг гибрид двигатель ва ички ёнув двигателининг бошқа вариантлари билан бойишига ваъда берган.
Маълумот учун, 1993 йилда Sportage сотувга чиққанидан буён бутун дунё бўйлаб унинг 6,1 миллиондан ортиқ нусхаси сотилган.
Аввалроқ Kia биринчи бор ўзининг янги электрокари тизерини намойиш этгани, компания ўзининг логотипи ва шиорини ўзгартиргани тўғрисида хабар берилганди.
Изоҳ (0)