Ўзбекистонда 7 июль куни 490 кишида коронавирус аниқланиб, мамлакатда COVID-19 расман қайд этилганлар сони 114 529 нафарга етди, деб хабар бермоқда Соғлиқни сақлаш вазирлиги.
Янги касалланиш ҳолатларининг
- 33 нафари Қорақалпоғистон Республикасида,
- 27 нафари Андижон вилоятида,
- 21 нафари Бухоро вилоятида,
- 37 нафари Жиззах вилоятида,
- 21 нафари Қашқадарё вилоятида,
- 10 нафари Навоий вилоятида,
- 20 нафари Наманган вилоятида,
- 31 нафари Самарқанд вилоятида,
- 22 нафари Сирдарё вилоятида,
- 22 нафари Сурхондарё вилоятида,
- 19 нафари Фарғона вилоятида,
- 13 нафари Хоразм вилоятида,
- 48 нафари Тошкент вилоятида,
- 166 нафари Тошкент шаҳрида
Вазирликнинг қайд этишича, сўнгги суткада жами 365 киши — Қорақалпоғистонда 51 нафар, Бухорода 16 нафар, Қашқадарёда 16 нафар, Наманганда 41 нафар, Сирдарёда 32 нафар, Сурхондарёда 46 нафар, Фарғонада 65 нафар, Хоразмда 20 нафар, Тошкент вилоятида 57 нафар ва Тошкент шаҳрида 21 нафар бемор тузалиб, касалликдан соғайганлар 110 041 нафарга етди ва соғайиш кўрсаткичи 96 фоизни ташкил этмоқда. Таъкидлаш керакки, Соғлиқни сақлаш вазирлиги беш кунлик узилишдан кейин COVID-19 инфекцияси энг кўп қайд этилаётган Тошкент шаҳрида ҳам соғаяётганлар ҳақида маълумот беришни бошлади.
Шунингдек, 2 нафар коронавирусга чалинган бемор вафот этиб, касалликдан вафот этганлар сони 760 нафарни ташкил қилмоқда.
Маълумот учун, Ўзбекистонда 28 июндан карантин чекловлари кучайтирилди. Тошкент шаҳрига 28 июндан транспорт воситалари киришига ҳамда кўнгилочар ва овқатланиш объектлари фаолиятига чекловлар ўрнатилди.
Изоҳ (0)