Смартфонлар тобора катталашиб бораётган бир вақтда компаниялардан бири оқимга қарши сузишга қарор қилиб, 4G алоқа тармоғига эга энг кичкина телефонни тақдим этмоқчи, деб хабар беради Hi-Tech.Mail.ru.
Ихчам Mony Mist қурилмасининг ўлчами 89,5х45,5 х 11,5 миллиметрни, оғирлиги 75 граммни ташкил этади. Лойиҳа Kickstarter майдончасида тақдим этилган.
Ўлчамларининг кичиклигига қарамай, смартфон 480х853 пикселли 3 дюймга эга суюқ кристалл экран билан жиҳозланган. У тўрт ядроли Corex-A53 (1,3 гигагерц) MediaTek МТ6735 базасида ҳамда Mali T720 график процессорида ишлайди.
Смартфонга 3 гигабайт тезкор ва 32 гигабайт ички хотира ўрнатилган. Орга камераси — сохта, унда тўртта датчик эмас, балки 13 мегапикселли битта модуль жойлашган. Шунингдек, 48op’ли селфи-камераси мавжуд.
Аккумулятор сиғими 1250 мА/соатни ташкил этади. Ўнг ён томонидан ўчириб-ёқиш тугмаси, чап томонида эса овозни бошқарувчи клавиш жойлашган. USB-C порти пастдаги иккита динамиклар тўрининг ўртасида жойлашган. Қурилма Wi-Fi ва Bluetooth’ни (4.0 га қадар чекланган) қўллаб-қувватлайди.
Смартфонни айни вақтда 99 доллардан буюртма қилиш мумкин, кейинчалик нархи 150 долларга кўтарилади.
Эслатиб ўтамиз, 2020 йилнинг июлида Kickstarter краудфандинг майдончасида 3 дюймли экранга эга замонавий ва қулай Jelly 2 смартфони пайдо бўлганди.
Изоҳ (0)