Тошкент шаҳрида ёнидан гиёҳванд моддалар топилган Cobalt ҳайдовчиси ушланди, дея хабар бермоқда шаҳар ИИББ.
Маълум қилинишича, 2021 йил 26 июнь куни тахминан соат 05:30 да «Шарқ» ЙПХ постида Тошкент шаҳар ИИББ ходимлари махсус «Қорадори-2021» тадбири доирасида пойтахтга кирмоқчи бўлган Cobalt автомобилини тўхтатган.
Текширув натижасида транспорт воситаси ҳайдовчиси – Фарғона вилоятидан бўлган А.К. (1984 йилда туғилган)нинг ёнидан тиббий ниқобга ўралган жигарранг ўзига хос ҳидли модда топилиб, холислар гувоҳлигида олиб қўйилган.
Тегишли ҳужжатлар расмийлаштирилгач, фуқаро Бектемир тумани ИИО ФМБга етказилди.
Бундан аввал ДХХ Бухоро, Фарғона ва Наманган вилоятларида гиёҳванд моддалар савдоси билан шуғулланган бир неча шахсни қўлга олгани, Чилонзорда чамадонига гиёҳванд модда яшириб олиб кетаётган Тожикистон фуқароси ушлангани ҳамда Чилонзорда гўшт ичига гиёҳванд модда жойлаштириб олиб кетаётган шахс қўлга олингани ҳақида хабар берилганди.
Изоҳ (0)