Ўзбекистонда 3 июль куни 467 кишида коронавирус аниқланиб, мамлакатда COVID-19 расман қайд этилганлар сони 112 597 нафарга етди, деб хабар бермоқда Соғлиқни сақлаш вазирлиги.
Янги касалланганларнинг:
- 26 нафари Қорақалпоғистон Республикасида,
- 33 нафари Андижон вилоятида,
- 31 нафари Бухоро вилоятида,
- 46 нафари Жиззах вилоятида,
- 12 нафари Қашқадарё вилоятида,
- 7 нафари Навоий вилоятида,
- 25 нафари Наманган вилоятида,
- 41 нафари Самарқанд вилоятида,
- 27 нафари Сирдарё вилоятида,
- 30 нафари Сурхондарё вилоятида,
- 28 нафари Фарғона вилоятида,
- 12 нафари Хоразм вилоятида,
- 44 нафари Тошкент вилоятида,
- 105 нафари Тошкент шаҳрида
Вазирлик томонидан Ўзбекистонда коронавируснинг тарқалишига доир юритилаётган расмий статистик маълумотларга кўра, 3 июль куни Жиззахда 46 та (ундан аввалги антирекорд 30 июнда қайд этилган — 41 та), Сирдарёда эса 27 та касалланиш ҳолати тасдиқлангани вилоят учун 2021 йилдаги антирекорд бўлди. Сирдарёда кетма-кет олтинчи кун антирекорд ўрнатилмоқда (28 июнь — 15 та, 29 июнь — 16 та, 30 июнь — 18 та, 1 июль — 20 та, 2 июль 23 та, 3 июль — 27 та).
Ундан бир кун аввал Андижон (38 та), Бухоро (45 та), Навоий (8 та) вилоятларида антирекорд ўрнатилганди. 1 июль куни Қорақалпоғистонда антирекорд ўрнатилган (47 та).
Шунингдек, вазирликнинг қўшимча қилишича, сўнгги бир кеча-кундузда жами 360 киши: Қорақалпоғистон Республикасида 14 нафар, Андижон вилоятида 68 нафар, Қашқадарё вилоятида 13 нафар, Навоий вилоятида 20 нафар, Наманган вилоятида 38 нафар, Самарқанд вилоятида 60 нафар, Сурхондарё вилоятида 73 нафар, Фарғона вилоятида 34 нафар, Тошкент вилоятида 40 нафар бемор тузалди. Касалликдан соғайганлар сони 108 764 нафарга етди ва соғайиш кўрсаткичи 96 фоизни ташкил этмоқда.
Шунингдек, 2 нафар коронавирусга чалинган бемор вафот этиб, касалликдан вафот этганлар сони 747 нафарни ташкил қилди.
Изоҳ (0)