Наманганда коронавирус билан касалланиш ҳолатлари тобора кўпайиб бормоқда. Бу ҳақда вилоят ҳокими Шавкат Абдураззақов вилоят аҳлига мурожаатида маълум қилди, дея хабар беради «Дарё» мухбири Азизбек Абдувалиев.
Абдураззақовнинг айтишича, уч кун аввал вилоятда коронавирусга чалиниш билан боғлиқ 26 та ҳолат қайд этилган бўлса, кейинги кунларда бу кўрсаткич аввал 31 та, сўнг 43 тага етган.
«Жорий йил 1 июлидан вилоятда карантин қоидаларига амал қилиниши устидан назорат кучайтирилади. Бу, хусусан, жамоат транспорти, умумий овқатланиш шохобчалари ва бозорларга тегишли. Вилоят раҳбари сифатида фуқароларимиздан ниқоб тақиш, ижтимоий масофани сақлаш ва инфекцияга қарши эмланишни унутмасликларини сўрайман», — дея таъкидлади Шавкат Абдураззақов.
Маълумот учун, Наманганда 2021 йил февраль ойида ёпилган «Баркамол авлод» спорт мажмуасидаги COVID-касалхона шу ҳафта бошидан яна қайта фаолиятини бошлади.
Изоҳ (0)