2006 йилда экран юзини кўрган ва қизиқарлилиги билан мухлислар қалбидан жой олган «Наша Russia» (Бизнинг Россия) шоусида суратга тушган актёрлар турмуш ўртоқ сифатида кимни танлагани ҳақида маълумот бериб ўтамиз.
Сергей Светлаковнинг рафиқаси Антонина Чеботарева
Сергей шоуда бир қанча ёрқин қаҳрамон: Тагаронг фуқароси, машҳур телекўрсатув шарҳловчиси, мактаб ўқитувчиси ва бошқаларни гавдалантирган. Мухлислар қалбидан жой олган актёр ўз бахтини иккинчи уринишда топган.
2000 йил университетидаги Юлия исмли қиз билан танишган, аммо қизи Анастасиянинг дунёга келиши жуфтликни 2012 йилда ажралишдан тўхтатиб қололмаган. Ярим йил ўтиб юлдуз ҳамкасби Антонина Чеботаревага уйланган. Бугунги кунда уларнинг икки нафар — Иван ва Максим исмли фарзандлари бор.
Михаил Галустяннинг рафиқаси Виктория
Актёр лойиҳада Равшан исмли гастарбайтер, футбол жамоаси тренери, қўриқчи ҳамда официант ролини ижро қилган. Галустян бугунги кунда аҳил яшаб келаётган рафиқаси Виктория билан Краснодардаги дискотекада танишган.
Аввалига дўст бўлган жуфтлик 2007 йилда икки марта — русча ва арманча тўй қилган. Виктория ва Галустяннинг икки нафар — Эстела ва Элина исмли қизи бор. Актёр қизларининг суратларини тез-тез ижтимоий тармоқдаги саҳифасига жойлаб туради.
Роман Юнусовнинг рафиқаси Виктория
Актёр шоуда футбол мухлиси роли билан яхши маълум. Суратга олиш ишлари якунига етганидан кейин Роман Comedy Club’нинг иштирокчиси бўлишга таклиф қилинган.
Актёр 2006 йилда касби жиҳатидан шоу-бизнесдан узоқ бўлган Викторияга уйланган. Икки нафар фарзанди бўлган Роман бўш вақтини оила даврасида ўтказишни яхши кўради.
Гарик Мартиросяннинг рафиқаси Жанна Левина
Comedy Club продюсери карьерасини шоуда иштирок этишдан бошлаган. Гарик лойиҳада оператор ролини ижро қилган. Мартисян ўз бахтини 1997 йил мухлислари орасидан топган. Сочида бўлиб ўтган «КиВиН» фестивалида чиқиш қилган вақти эътиборини тортган қизга Гарик бир йил ўтиб Кипрда уйланган. Уларнинг икки нафар — Жасмин исмли қиз ва Даниэль исмли ўғил фарзанди бор.
Изоҳ (0)