Президент матбуот котиби Шерзод Асадов 28 июнь, душанба куни ўтказилган брифингда Шавкат Мирзиёевнинг жорий ҳафтадаги иш графигини маълум қилди. Бу ҳақда «Дарё» мухбири хабар бермоқда.
Таъкидланишича, бугун, 28 июнь куни давлат раҳбари Туркия Республикаси вице-президенти Фуат Октай билан учрашади ҳамда мис ишлаб чиқаришни ривожлантириш бўйича йиғилиш ўтказади.
«Сешанба куни давлат активларини хусусийлаштириш жараёнлари, пайшанба куни узум етиштириш ва қайта ишлаш масалалари бўйича тақдимотлар ўтказилиши мўлжалланган.
Давлатимиз раҳбари 30 июнь куни Ўзбекистон ёшлари ва талабалари форуми доирасида ёшлар билан учрашади. Ҳафта давомида республика ҳудудларига амалий ташриф ҳам режалаштирилган. Бу ҳақда қўшимча тарзда батафсил маълумот берамиз», — деди Асадов.
Изоҳ (0)