Марсдаги Хитой марсоходи ўз иш жараёни ҳақида 4 та видео юборди. Видеолардан бирида ровернинг товушини ҳам эшитиш мумкин (видео)

Хитой Миллий космик бошқармаси (CНСА) Марсдаги «Тяньвень-1» миссиясининг иш жараёни ҳақида тўртта видео эълон қилди, деб ёзади Meduza.

15 май куни суратга олинган биринчи видеода космик аппаратнинг Марс шимолий ярим шаридаги Утопия текислигига қўниши, хусусан, қўниш модульининг парашюти очилган пайт тасвирланган.

[CNSA video 1/4] 3D stereo view of deployment of #Zhurong’s supersonic parachute. pic.twitter.com/m5dTgHIu79

— CNSA Watcher (@CNSAWatcher) June 27, 2021

Иккинчи видеода «Чжужун» марсоходининг қандай қилиб қўниш платформасидан ерга ўрмалаётгани акс этган, шунингдек, видеода ровер ҳаракатининг товушини эшитиш мумкин.

[CNSA video 2/4] Sound of #Zhurong Mars rover rolling off from lander to Mars surface. pic.twitter.com/Uh41Yiy1w6

— CNSA Watcher (@CNSAWatcher) June 27, 2021

Қолган иккита видео ровернинг сайёра юзасига ўрнатган симсиз камераси билан олинган. Уларда «Чжужун» камерадан қандай узоқлашаётгани ва селфи тушириш учун қўниш платформаси ёнида ҳаракатланаётгани тасвирланган.

[CNSA video 3/4] Video of #Zhurong Mars rover moving backwards. pic.twitter.com/uTcCHud03b

— CNSA Watcher (@CNSAWatcher) June 27, 2021

[CNSA video 4/4] #Zhurong Mars rover turning around in place. pic.twitter.com/hILKgKYUTx

— CNSA Watcher (@CNSAWatcher) June 27, 2021

27 июнь ҳолатига кўра «Чжужун» сайёра юзасида 42 марс куни давомида иш олиб борди (Ер вақти билан 24 соат 37 минутга тенг) ва шу вақт ичида 236 метр масофани босиб ўтди.

Эслатиб ўтамиз, Хитойнинг «Чжужун» марсоходи «Тяньвень-1» космик аппарати билан 15 май куни эрталаб Марсга муваффақиятли қўнган эди. Бу Хитойнинг бошқа бир сайёрага қўнган биринчи марсоходи.«Тяньвень-1» 2020 йил 23 июлда Хитой жанубидаги Венчан космодромидан учирилган эди. Космик аппарат қарийб етти ойлик парвоздан сўнг февраль ойида Марс орбитасига кирган ва икки ойдан кўпроқ вақт давомида потенциал қўниш жойини қидирган.Ровер фаолиятининг режалаштирилган умри — Марс куни бўйича 90 кун, бу Ер кунларидан 2,7 фоиз кўпроқ. У тўртта қуёш батареяси билан ишлайди. Хитой роверининг ҳаракат тезлиги соатига 200 метрга етади.