Футбол бўйича Ўзбекистон Суперлигасининг 11-туридан ўрин олган икки ўйин 27 июнь, якшанба куни бўлиб ўтди.
«Пахтакор» клуби Тошкентда «Сурхон»га қарши баҳс олиб борди. Азизбек Турғунбоев ва Шерзод Темировнинг дубллари «шерлар»га йирик ҳисобдаги ғалабани тақдим этди.
Ушбу ғалабадан кейин «Пахтакор» очколарини 29 тага етказиб олган ҳолда пешқадамликни мустаҳкамлади ва энг яқин таъқибчиси «Сўғдиёна»ни олти очкога ортда қолдирмоқда. «Сурхон» (8) 12-поғонада бормоқда.
Параллел баҳсда «Андижон» ва «ОКМК» жамоалари ўзаро тўқнаш келди. Учрашувнинг 32-дақиқасида Элвин Фортес олмалиқликларни олдинга олиб чиққан бўлса, орадан уч дақиқа ўтиб Санжар Шоаҳмедов жамоасининг иккинчи голини урди. Бунга андижонликлар кўп ўтмай Бахтиёр Қосимовнинг голи билан жавоб қайтарди.
Биринчи бўлим якунланиши арафасида Александр Касян «ОКМК»нинг яна бир голини урди. Иккинчи бўлим бўлим дебютида Дониёр Абдуманнопов яна фарқни минимал кўринишга олиб келди. Қолган вақтда ҳисоб ўзгармади.
«ОКМК» 22 очко билан учинчи ўринни эгаллаб турибди, «Андижон» эса 4 очко билан сўнгги ўринга тушиб кетди.
Суперлига
11-тур баҳслари
27 июнь, якшанба
«Сурхон» — «Пахтакор» 0:4
Голлар: 0:1 – 2 Турғунбоев, 0:2 – 22 Темиров, 0:3 – 57 Турғунбоев, 0:4 – 58 Темиров.«Сурхон»: 1.Азамат Аҳмедов, 5.Жасур Ёқубов, 6.Алишер Салимов, 7.Исломжон Тошпўлатов (33.Асилбек Темиров, 82), 9.Низомжон Норов (10.Муродбек Бобожонов, 71), 14.Жасур Холтўраев (60.Ўрал Чориев, 87), 15.Владимир Бубаня, 19.Нуриддин Ҳасанов (21.Жавоҳир Эсонқулов, 82), 20.Ҳусниддин Ғофуров (18.Элдор Бойматов, 46), 55.Шарафиддин Собиров, 66.Беҳруз Шайдулов.
«Пахтакор»: 25.Элдор Суюнов, 3.Ҳожиакбар Алижонов, 5.Анзур Исмоилов, 8.Азизбек Турғунбоев, 10. Драган Черан, 14.Ҳумоюнмирзо Иминов, 17.Шерзод Темиров (99.Пўлатхўжа Холдорхонов, 84), 23.Шерзод Аъзамов (16.Марлен Чобанов, 77), 27.Сардор Собирхўжаев (19.Шароф Муҳиддинов, 62), 28.Диёр Холматов (42.Аббос Файзуллаев, 77), 34.Фарруҳ Сайфиев (6.Иброҳимхалил Йўлдошев, 62).
Огоҳлантиришлар: Тошпўлатов (60).
«Андижон» — «ОКМК» 2:3
Голлар: 0:1 – 32 Фортес, 0:2 – 35 Шоаҳмедов, 1:2 – 38 Қосимов, 1:3 – 43 Касян, 2:3 – 54 Абдуманнопов.«Андижон»: 1.Низомиддин Зиёвутдинов, 4.Усмонали Исмоналиев, 6.Иброҳимжон Отахонов, 7.Мартин Боаке, 8.Бахтиёр Қосимов, 10.Жасур Жалолиддинов, 14.Дониёр Исмоилов, 18.Абдуғани Камолов (17.Фарҳод Соҳибжонов, 80), 33.Дониёр Абдуманнопов, 43.Пламен Димов, 70.Диёр Раҳимқулов.
«ОКМК»: 1.Ботирали Эргашев, 77.Дилшод Аҳмадалиев (20.Мирғиёс Сулаймонов, 90+2), 8.Бобур Йўлдошев, 7.Сардор Раҳмонов, 11.Мурод Тошматов, 23.Йован Жокич, 17.Санжар Турсунов, 22.Санжар Шоаҳмедов (5.Дилшод Жўраев, 68), 94.Элвин Фортес (28.Шоҳруҳ Гадоев, 68), 18.Александр Касян (9.Зафар Полвонов, 85), 10.Ҳусниддин Ғофуров (15.Аббос Отахонов, 85).
Огоҳлантиришлар: Исмоилов (8), Отахонов (15), Зиёвуддинов (49), Жокич (70), Абдуманнопов (71).
Изоҳ (0)