Ўзбекистон 2021 йилнинг январь—май ойларида хориждан қиймати 150,9 миллион АҚШ долларига тенг бўлган 7,7 мингта енгил автомобилларни импорт қилди. Бу ҳақда Давлат статистика қўмитаси хабар берди.
Маълумотларга кўра, мамлакатга май ойининг ўзида 37,2 миллион доллар қийматида енгил автомобиллар импорт қилинган. 2021 йилнинг ўтган 5 ойи мобайнида Ўзбекистон енгил автомобилларни энг кўп импорт қилган давлатлар:
- Жанубий Корея – 42,7 миллион доллар;
- Хитой – 41,1 миллион доллар;
- Россия – 30,5 миллион доллар;
- Қозоғистон – 8,8 миллион доллар;
- АҚШ – 6,7 миллион доллар;
- Таиланд – 6,6 миллион доллар;
- Польша – 4,6 миллион доллар;
- Германия – 3,9 миллион доллар;
- Литва – 2,5 миллион доллар;
- Япония – 2,0 миллион доллар.
Аввалроқ Ўзбекистонга ўтган бир ой ичида 49 та электромобил импорт қилингани, бу апрелда олиб келинган миқдордан 16 тага камлиги тўғрисида хабар берилганди.
Маълумот учун, Ўзбекистон 2020 йилда автомобиллар экспортини пул кўринишида 30,4 фоизга оширган. Ушбу давр ичида автомобиллар импорти экспортга нисбатан 2,3 бараварга кўп бўлган.
Изоҳ (0)