Жонс Ҳопкинс университети маълумотларига кўра, дунёда COVID-19 билан касалланганлар сони пандемия бошидан буён 179 999 482 кишига етган, шуларнинг 3 900 372 нафари вафот этган.
Коронавирус билан касалланиш ҳолатларининг кўплиги бўйича АҚШ (33,5 миллион), Ҳиндистон (30,1 миллион), Бразилия (18,2 миллион), Франция (5,8 миллион) ва Туркия (5,3 миллион) олдинда бормоқда.
Москвада COVID-19’га чалинганлар учун обсерватор ёниб кетди
Москвадаги COVID-беморлар учун марказда ёнғин содир бўлди, беморлар тўлиқ эвакуация қилинди. Бинода мебель ёниб кетган, 80 га яқин киши эвакуация қилинган.Обсерватор сифатида фойдаланиладиган реабилитация марказининг маъмурий биносидаги хоналардан бирида ёнғин чиққан, у зудлик билан бартараф этилган.
Мавзуга доир: Ҳиндистонда коронавирус беморлари даволанаётган шифохонада содир бўлган ёнғин оқибатида 4 киши ҳалок бўлди
Британияда кетма-кет икки кундан буён COVID-19’га чалиниш бўйича рекордлар қайд этилмоқда
Буюк Британияда кунлик коронавирусга чалиниш ҳолатлари бўйича 2021 йил 6 февралдан буён энг юқори кўрсаткич қайд этилди.24 июнь ҳолатига, ўтган бир кеча-кундузда 16,7 мингдан ортиқ одамда коронавирус аниқланган. Шу тариқа, кетма-кет иккинчи кун мамлакатда ушбу кўрсаткич 16 мингдан ошган.
Шунингдек, сўнгги 24 соат ичида 21 киши вирус оқибатида вафот этган.
Британияда 43,4 миллиондан ортиқ одам коронавирусга қарши битта дозада, 31 миллиондан ортиғи эса тўлиқ эмланган, бу вояга етган аҳолининг 60 фоизи демакдир.
Уммон «Спутник V»дан фавқулодда фойдаланишни маъқуллади
Уммон султонлиги ҳукумати Россиянинг коронавирусга қарши «Спутник V» вакцинасидан фавқулодда фойдаланиш учун рухсат берди.«Спутник V» билан бир қаторда, мамлакатда Pfizer-BioNTech, Oxford/AstraZeneca ва Sinovac вакциналари учун ҳам фавқулодда фойдаланиш учун лицензиялар берилди.
«Спутник V» коронавирусга қарши дунёдаги биринчи вакцинага айланди, у Россияда 2020 йил августида рўйхатга олинган эди. Айни пайтда вакцина 60 дан ортиқ мамлакатда фойдаланиш учун маъқулланган.
Изоҳ (0)