Ўзбекистон бўйлаб банклараро тўлов тизими орқали амалга оширилган транзакциялар суммаси 911 триллион сўмни ташкил этиб, бу 2020 йилнинг мос даврига нисбатан 60 фоизга ошган. Бу ҳақда Марказий банк матбуот котиби Telegram каналида хабар берди.
Ҳозирги вақтга келиб, муомаладаги банк карталари сони 23,8 миллиондан ортиқроқни ташкил этади.
Масофавий банк хизматларидан фойдаланувчилар сони 16 миллиондан ошиб, 2020 йилнинг мос даврига нисбатан 5,8 миллион кўпроқ мижозлар банк хизматларидан масофавий фойдалана бошлади.
Ўрнатилган банкомат ва инфокиосклар сони эса 12 217 тани ташкил этиб, 2020 йилнинг 1 июнь ҳолатига нисбатан 1370 тага ёки 13 фоизга ошган.
Бундан аввал Ўзбекистонда нақд пул муомаласи ҳажми камаётгани ҳамда Telegram Ўзбекистонда гуруҳ ва каналларда тўловларни қабул қилишга рухсат бергани ҳақида хабар берилганди.
Изоҳ (0)