35 яшар Хейли Эштон ва унинг турмуш ўртоғи 3 йилдан буён фарзандли бўла олмаган. Шифокорларга мурожаат қилганида унга тухумдонлар поликистози ташхиси қўйилган ва унга фақатгина ЭКО муолажаси ёрдам бера олиши айтилган. Вазни 102 кг ташкил қилгани сабаб муолажани ўтказишнинг иложи бўлмаган.
Шундан кейин британиялик аёл унга ёрдам бермаган бир қанча парҳез ва дори воситаларидан воз кечиб, Slimming World дастурига қўшилган. Унга махсус овқатланиш рациони ва керакли машғулотлар ишлаб чиқилган. Кўрсатмаларга амал қилган Эштон бир йилда 45 кило вазн ташлаган. Шундан кейин ЭКО қилдирган ва ҳомиладор бўлган.
У 2021 йил августда болали бўлади. «Менга кўринишим унчалик муҳим эмасди, аммо болали бўлишни жуда ҳам истаганман», — деб ёзган у фото тагига. Вазн ташлаганидан кейин Эштон эски овқатланиш режимига қайтмаган.
У аввалгидек соғлом овқатланишга амал қилади ва туғруқдан кейин ҳам машғулотлар билан шуғулланишни орзу қилади.
Изоҳ (0)