Mobiuz абонентлари хизматни ўз тарифида улаб, бир-бири билан ҳеч қандай чекловларсиз алоқа қилиши мумкин.
Мадина шунчалик кўп қўнғироқ қиладики, смартфонининг аккумулятори тез ўтириб қолади, лекин алоқа хизматлари учун деярли харажати йўқ. Анварнинг ҳисоб рақамида атиги минг сўм пул ва 15 дақиқа қолган бўлсада, у бутун тун севган қизи билан телефонда суҳбатлашиб чиқди. Ойига атиги 25 минг сўмлик тариф режасидан фойдаланадиган Беҳруз ойига 200 соат гаплашиб қўйибди.
Булар хаёлий воқеалар эмас, балки Mobiuz абонентларининг ҳаётий ҳолатидир. Тариф режалари бўйича тармоқ ичида бепул гаплашиш шарти бўлмаган абонентлар ҳам ноёб «Gap Ko‘p» хизмати ёрдамида тармоқ ичида чексиз қўнғироқларни амалга ошириши мумкин.
«Gap Ko‘p»га уланиш учун *166# USSD кодини териш кифоя. Бир марталик фаоллаштириш нархи 10 минг сўмни ташкил қилади. Хизмат учун ортиқча харажатлар, хусусан, ойлик ёки кунлик абонент тўловлари йўқ. Абонент хизматдан бир неча йил ҳам фойдаланиши мумкин. У бунинг учун пул тўламайди. «Gap Ko‘p»ни фойдаланувчининг ўзи ўчириши мумкин. Шунингдек, у бошқа, ушбу хизматни қўллаб-қувватламайдиган тарифга ўтганида хизмат автоматик равишда ўчиши мумкин.
Ҳозирда «Gap Ko‘p»ни янги ва амалдаги абонентлар «Mobi 20, 25, 30+», «O‘qituvchi 1 va 2» тариф режаларида ёқиши мумкин. Бундан ташқари, хизмат 20 дан ортиқ бошқа тариф режаларида ҳам амал қилмоқда.
Ойлик абонент тўлови юқори бўлган тарифларга келсак, уларнинг шартлари тармоқ ичида ёки умуман бутун Ўзбекистон бўйлаб чексиз алоқани ўз ичига олади. Масалан, «Gap Yo‘q», «Gap Yo‘q Pro», «Mobi 40, 50, 70, 90» ва уларнинг йиллик вариантларида тармоқ ичида чексиз қўнғироқлар аввалдан бор.
«‘Gap Ko‘p’ – бу оддий тариф режангизни кучайтириш имконини берадиган ижтимоий хизмат. Мобил алоқа учун ойига 30 минг сўмгача пул сарфлашга тайёр бўлган абонентларимиз учун у катта қулайликдир. Шу сабаб ушбу хизматимизга талаб катта. Абонентларга минимал тўлов эвазига чексиз вақт давомида, чексиз алоқани тақдим этаётганимиздан хурсандмиз», — деди Mobiuz компаниясининг жамоатчилик билан алоқалар бўйича расмий вакили Сардор Тожиев.
Олдинроқ Mobiuz мобил алоқа оператори ўзининг кўплаб тариф режаларини қайта кўриб чиқди, шу жумладан, МБ (2020 йилнинг октябрида), дақиқа ва SMSлар (2021 йилнинг май ойида) ҳажмини сезиларли даражада оширди. Шу билан бирга, уларнинг абонент тўловлари ўзгаришсиз қолди. Шунингдек, компания ойига атиги 8 минг сўмга «Yengil» тарифини жорий қилди, унда барча қўнғироқлар, МБ ва SMSлар атиги 8 сўмдан нархланади.
Mobiuz хизматларининг барча янгиликлари ва хизматлар тавсифлари www.mobi.uz веб-сайтида, шунингдек, операторнинг Facebook’даги саҳифасида мавжуд.
Реклама ҳуқуқи асосида.
Изоҳ (0)