2023 йилда Ўзбекистонда бўлиб ўтадиган U-20 Осиё Кубогига тайёргарлик кўраётган Ўзбекистон U-18 терма жамоаси Африка қитъасида бўлиб ўтадиган халқаро мусобақада иштирок этади. Бу ҳақда Ўзбекистон футбол ассоциацияси хабар қилмоқда.
Ўзбекистонлик ёшлар Мисрда 20 июндан 6 июлга қадар ташкил этиладиган «Arab Cup U-20» мусобақасида қатнашади.
Бош мураббий Элдор Магдиев қўл остидаги жамоа мусобақанинг D гуруҳидан ўрин олган ва Тунис, Саудия Арабистони, Яман каби терма жамоалар билан ўзаро баҳс олиб боради. Гуруҳда биринчи ва иккинчи ўринни эгаллаган жамоалар чорак финал йўлланмасини қўлга киритади.
«Arab Cup U-20»
D гуруҳи
21 июнь22.00 | Саудия Арабистони — Ўзбекистон
24 июнь19.00 | Ўзбекистон — Тунис
27 июнь22.00 | Ўзбекистон — Яман
Мураббийлар штаби «Arab Cup U-20» халқаро мусобақаси олдидан ташкил этиладиган йиғинга 32 нафар футболчини жалб этди:
Дарвозабонлар: Ҳумоюншоҳ Саётов («Насаф»), Отабек Боймуродов («Пахтакор»), Асрорбек Кенжаев («Локомотив»), Дилшод Муротов («Чиғатой»);
Ҳимоячилар: Зафар Ҳакимов («Насаф»), Абдураҳим Аноров («Пахтакор»), Иззатилло Пўлатов («Пахтакор»), Жаҳонгир Ўрозов («Бунёдкор»), Миркамол Абдуразоқов («Пахтакор»), Азизжон Ҳакимов («Чиғатой»), Зафармурод Абдираҳматов («Насаф»), Диёрбек Ортиқбоев («Насаф»), Маҳмуджон Мамажонов («Бунёдкор»), Абдуллоҳ Йўлдошев («Локомотив»), Мустафо Чобанов («Чиғатой»);
Ярим ҳимоячилар: Умид Султонов («Бунёдкор»), Аббосбек Файзуллаев («Пахтакор»), Шаҳзодбек Раҳматуллаев («Пахтакор»), Шаҳзод Акромов («Насаф»), Шоҳжаҳон Умаров («Бунёдкор»), Умарали Раҳмоналиев («Бунёдкор»), Хислат Халилов («Чиғатой»), Билол Туплиев («Бунёдкор»), Аббос Эргашбоев («Пахтакор»), Арслон Юсуфбоев («Арал Самали»), Шерзод Эсонов («Чиғатой»), Мустафо Абдуманнопов («Чиғатой»);
Ҳужумчилар: Пўлатхўжа Холдорхонов («Пахтакор»), Диёрбек Тоиров («Металлург»), Риан Исломов («Пахтакор»), Али Абдураҳмонов («Локомотив»).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)