Жонс Ҳопкинс университети маълумотларига кўра, дунёда коронавирусга чалинганлар сони 174 893 444 кишини ташкил қилмоқда. Вирус оқибатида эса 3 773 635 киши вафот этган. Касалланганлар сони бўйича АҚШ (33,4 миллион), Ҳиндистон (29,2 миллион), Бразилия (17,2 миллион), Франция (5,7 миллион) ва Туркия (5,3 миллион) олдинда бормоқда.
COVID-19 Альцгеймер касаллигини келтириб чиқариши мумкин
АҚШдаги Кливленд клиникаси олимлари COVID-19 мия функциясига узоқ вақт давомида таъсир ўтказиши мумкин бўлган механизмни аниқлади.Тадқиқотчилар вирус бевосита мияга таъсир қилиши борасида кам далиллар топган бўлса-да, улар вирус ҳамда баъзи неврологик касалликлар, биринчи навбатда Альцгеймер касаллиги билан боғлиқ генлар/оқсиллар ўртасидаги яқин тармоқли алоқаларни аниқлади.
Мутахассислар COVID-19 ва нейрошамоллаш, шунингдек, бош мия микротомирлари зарарланиши (булар Альцгеймер касаллиги белгилари ҳисобланади) ўртасидаги потенциал боғлиқликни ўрганиб чиқиб, SARS-Cо-V-2 инфекцияси Альцгеймернинг мия шамоллашига оид белгиларини анча ўзгартирганини аниқлади.
«Бу маълумотлар шуни кўрсатадики, вирус нейрошамоллашда ва мия микротомирлари зарарланишида иштирок этувчи бир нечта генларга ёки йўлларга таъсир ўтказиши мумкин, бу эса Альцгеймер касаллиги каби когнитив бузилишларга олиб келиши мумкин», — деди етакчи тадқиқотчи Фейсюн Чен.
Мавзуга доир: Қулоқ шанғиллаши: Коронавируснинг ўлимга олиб келиши мумкин бўлган симптоми маълум бўлди
ЖССТ: Европада коронавируснинг «ҳиндча» штамми тарқалиб кетиши мумкин
Жаҳон соғлиқни сақлаш ташкилоти (ЖССТ) Европада «ҳиндча» штамм тарқалишини прогноз қилмоқда. ЖССТнинг Европа минтақавий бюроси директори Ханс Клюге айтишича, вируснинг айнан шу вариант олимларда энг кўп хавотир уйғотмоқда, чунки у тезроқ тарқалади ва ҳатто иммунитети бор одамларга ҳам юқади.Клюгенинг сўзларига кўра, коронавируснинг «делта-вариант» сифатида машҳур бўлган ушбу тури кўпчилик мамлакатларда бошқа штаммларни сиқиб чиқаришга муваффақ бўлган.
ЖССТ вакили вирусга енгилтаклик билан муносабатда бўлмасликка чақирди.
Болгария ва Бразилияда эмланганлар учун ниқоб тақиш мажбурияти бекор қилинади
COVID-19’га қарши эмланганлик ҳақида сертификат тақдим этган болгарияликлар келаси ҳафтадан бошлаб сартарошхона, фитнес марказлари, ресторанлар ва кичикроқ дўконларга ниқоб тақмасдан бориши мумкин бўлади.Бразилия президенти Жаир Болсонару маълум қилишича, мамлакат Соғлиқни сақлаш вазирлиги коронавирусга қарши вакцина олганларга ниқоб тақмаслик имконини берувчи тавсияларни чиқариши кутилмоқда. Бу карантинга риоя қилиш талабига ҳам тегишли бўлади.
Шунингдек:- Россиялик мутахассиснинг маълум қилишича, коронавирусга чалинган одамларнинг 18—23 фоизида қулоқнинг битиб қолиши учрайди, бу эшитиш қобилиятининг пасайишига олиб келади. Бу асосан ортга қайтадиган ҳолат бўлиб, фақат 1,5—2 фоиз ҳолатларда доимий сақланиб қолиши мумкин.
- «Еттилик гуруҳи» (G7) мамлакатлари камбағал мамлакатлар учун 1 миллиард дозада вакцина ажратиш қарори ҳақида эълон қилиши кутилмоқда. Буюк Британия бош вазири Борис Жонсоннинг айтишича, мамлакат 100 миллион доза вакцина хайрия қилади. У G7’нинг бошқа иштирокчилари ҳам ташаббусга қўшилишига умид билдирди.
- Германия ҳукумати 10 июндан рақамли COVID-паспортлар беришни бошлади. Илк фуқаролар коронавирусга қарши эмланганлик тўғрисидаги рақамли сертификатларини қўлга киритишга улгурди. Бундай пасоортлар аста-секинлик билан тарқалиб, мобил дастур каби ҳаммабоп бўлиб кетиши кутилмоқда.
Изоҳ (0)