АҚШнинг Нью-Йорк шаҳрида 6 июнь куни ўзбекона тўй бўлиб ўтди. Тўйни ўзбекистонлик таниқли бошловчи Соат Шариповнинг ўғли Санъат Шарипов олиб борди. Тожикистонлик машҳур хонандалар Шабнам Сурайё ва Жонибек Муродов меҳмонларни ўз қўшиқлари билан хушнуд этди. Никоҳ кечасининг ўзига хос томонларидан яна бири, унда Ўзбекистонда хизмат кўрсатган артист Раъно Ярашева ҳамда «Браво» гуруҳи аъзоси Шаҳло Зоирова ҳам онлайн тарзда хизматда бўлди. Раъно Ярашева келин саломни ўтказган бўлса, Шаҳло тўй соҳибларини табриклаб, қўшиқ куйлаб берди.
«Сизларни бир қучоқлар эдимки, бирозгина масофа халақит беряпти», — дейди Шаҳло тўйхонага ўрнатилган катта мониторда кўриниш бериб.
Изоҳ (0)