Кейинги ҳафта Лондонда бўлиб ўтадиган Concours кўргазмасида ўтган асрнинг 60 йилларига тегишли Vantage модификациясидаги учта ноёб Aston Martin DB5 сотувга қўйилади. Ноёб спорткарлар яхшилаб реставрация қилиниши натижасида автомобилларнинг идеал ташқи кўриниши ва техник ҳолати қайтарилган. Учала автомобиль 5,6 миллион долларга баҳоланмоқда, деб хабар беради Motor.
1960 йилларга тегишли Aston Martin DB5 Жеймс Бонд ҳақидаги фильмлар сабаб машҳурликка эришган. Британия спорткари рулини бир нечта актёр бошқарган. Турли вақтларда у Шон Коннери ва Дэниэл Крейгга таъқибдан қочишга ёрдам берган. Бироқ 007 ҳақидаги фильмлардан бирида кучли двигатель ўрнатилган ноёб Vantage модификациясидан фойдаланиш насиб этмаган. Айнан шу каби Aston Martin’лар сотувга қўйилади.
Харидорлар купе кузовида яратилган DB5 Vantage’нинг 40 та ўнг рулли модификациясини сотиб олиши мумкин. Бундан ташқари, аукцион орқали бешта кабриолетдан бири ҳам сотилади. Ягона нусхадаги Aston Martin DB5 Vantage универсали савдоларнинг энг ноёб нусхасига айланади. Моделларнинг барчаси яхшиланган двигателлари ажралиб туради, цилиндрлар блоки каллагига киритилган ўзгартириш сабаб агрегат стандарт DB5’лардан 43 от кучи кўпроқ — 325 от кучини тақдим этишга қодир. Модификацияга учраган суперкарлар соатига 100 километр тезликка 6,5 сонияда эришади.
Aston Martin’га ихтисослашган Британиянинг Nicholas Mee&Co. компанияси вакилларининг сўзларига кўра, автомобиллар яхшилаб реставрация қилиниши натижасида уларга оригинал кузов ранги қайтарилган, шунингдек, техник агрегатлари қайта тикланган. Аукцион давомида ҳар бир ноёб Aston Martin DB5 Vantage’ни 5,6—7,8 миллион долларга сотиш режалаштирилмоқда.
Мавзуга доир:
Изоҳ (0)