Профессионал футбол лигаси (ПФЛ) Суперлиганинг май ойидаги энг яхшилари номини эълон қилди.
«Сўғдиёна» бош мураббийи Улуғбек Бақоев май ойининг энг яхши мураббийи деб топилди. Жиззахликлар Бақоев қўл остида ортда қолган ойда учта ўйинда учта ғалаба қайд этди.
Ушбу соврин учун шунингдек, қуйидаги мураббийлар кураш олиб борганди:- Питер Ҳюистра («Пахтакор») — 3 та ўйин, 2 ғалаба, 1 дуранг;
- Виктор Жалилов («Навбаҳор») — 3 ўйин, 1 ғалаба, 2 дуранг.
«Пахтакор» ҳужумчиси Драган Черан эса ойнинг энг яхши ўйинчиси номига лойиқ кўрилган. Сербиялик легионер май ойидаги уч ўйинда учта гол муаллифига айланди.
Мазкур соврин учун қуйидаги футболчилар ҳам кураш олиб борганди:
- Шоҳруз Норхонов («Сўғдиёна») – 3 ўйин, 1 гол, 2 ассист;
- Темурхўжа Абдухолиқов («Локомотив») – 3 ўйин, 3 гол, 1 ассист;
- Санжар Турсунов («ОКМК») – 3 ўйин, 2 гол, 1 ассист;
- Жавоҳир Қаҳрамонов («Сўғдиёна») – 3 ўйин, 3 гол;
- Ўткир Юсупов («Навбаҳор») – 3 ўйин, 2 қуруқ ўйин, 5 сейв.
Эслатиб ўтамиз, апрель ойида «Насаф» бош мураббийи Рўзиқул Бердиев ва жамоа ярим ҳимоячиси Марко Станоевич ойнинг энг яхшилари қаторида эътироф этилганди.
Изоҳ (0)