Молия вазири Тимур Ишметов 28 май куни Олий Мажлис Сенатининг ялпи мажлисида 2020 йилда Ўзбекистон ташқи қарзи нималарга сарфлангани ҳақида маълумот берди, деб ёзмоқда «Gazeta.uz».
Унинг маълум қилишича, давлат ташқи қарзининг ҳажми 2021 йил якунига кўра 21,1 миллиард доллар ёки ялпи ички маҳсулот (ЯИМ)га нисбатан 36,5 фоизни ташкил этди. Бундан:
- 15,1 миллиард доллар — Ўзбекистон номидан жалб қилинган ташқи қарз;
- 6 миллиард доллар — Ўзбекистоннинг кафолати остида жалб қилинган ташқи қарз.
Молия вазирлиги маълумотларига кўра, 2021 йил 1 апрель ҳолати бўйича давлат қарзи 23,2 миллиард долларни ёки ЯИМга нисбатан 40,1 фоизни ташкил этмоқда. Давлат қарзи 2021 йил бошига нисбатан 133,7 миллион долларга ёки ялпи ички маҳсулотга нисбати 0,3 фоизга камайган.
Президентнинг 27 майдаги қарорига кўра, Ўзбекистон Осиё тараққиёт банки ҳамда Осиё инфратузилмавий инвестициялар банкидан жами 200 миллион доллар қарз олади.
Изоҳ (0)