Шавкат Мирзиёевнинг «Осиё тараққиёт банки ва Осиё инфратузилмавий инвестициялар банки иштирокида ‘Ўзбекистон Республикасида коронавирус COVID-19 инфекциясига қарши шошилинч чораларни кўриш’ лойиҳасини амалга ошириш чора-тадбирлари тўғрисида»ги қарори қабул қилинди.
Қарор билан «Ўзбекистон Республикасида коронавирус COVID-19 инфекциясига қарши шошилинч чораларни кўриш» лойиҳасининг мақсадли кўрсаткичлари тасдиқланди.
Унга кўра:
- халқаро стандартларга жавоб берувчи 7 та Миллий референс лаборатория яратилади;
- Санитария-эпидемиология хизматининг марказий аппарати, ҳудудий бошқармалари, туман (шаҳар) бўлимларида фаолият юритаётган 17 минг 554 нафар ходимнинг малакаси оширилади;
- 475 та санитария-эпидемиология хизмати муассасалари реконструкция қилинади, капитал таъмирланади ва жиҳозланади;
- COVID-19 инфекциясини аниқлаш учун тест ҳажми амалдаги кўрсаткичга нисбатан кўпайтирилиб, 500 мингта тест синови ўтказилади;
- республикада тез тиббий ёрдам хизматининг моддий-техник базасини янада мустаҳкамлаш учун 2021 йил 1 октябрга қадар 1000 та тез тиббий ёрдам махсус автотранспорт воситаси харид қилинади.
Бундан аввал Ўзбекистон тез тиббий ёрдам хизматида Damas’лардан бутунлай воз кечиш режалаштирилаётгани ҳамда Ўзбекистонда тез ёрдамнинг битта чақириғи учун неча пул ажратилаётгани маълум қилингани ҳақида хабар берилганди.
Изоҳ (0)