АҚШ президенти Жо Байден ўз маъмуриятига Минскда Ryanair самолётининг фавқулодда қўниши ва Nexta Telegram канали асосчиларидан бири ҳибсга олинишида иштирок этган одамларни жавобгарликка тортиш чораларини ишлаб чиқишни буюрди. Бу ҳақда Оқ уйга таяниб, «РБК» хабар берди.
Жо Байден Беларусдаги Ryanair самолёти билан боғлиқ вазиятини «халқаро меъёрларга тўғридан-тўғри ҳақорат» деб атади.
«Мен Европа Иттифоқи мақсадли иқтисодий санкциялар ва бошқа чораларни кўришга чақиргани ҳақидаги хабарларни мамнуният билан қабул қиламан. Жамоамдан Европа Иттифоқи, бошқа иттифоқчилар ва шериклар ҳамда халқаро ташкилотлар билан яқин ҳамкорликда айбдорларни жавобгарликка тортиш учун тегишли чоралар ишлаб чиқишни сўрадим», — деди Байден.
Байден Nexta Telegram канали собиқ муҳаррири Роман Протасевичнинг ҳибсга олинишини «ҳам сиёсий ўзгача фикрлашга, ҳам матбуот эркинлигига қарши шармандали ҳужум» деб атади.
«Қўшма Штатлар Протасевични, шунингдек, Лукашенко режими томонидан адолатсиз равишда ҳибсга олинаётган юзлаб сиёсий маҳбусларни озод қилишга чақираётган дунё давлатларига қўшилади», — деди АҚШ президенти.
«Бир неча ойдан бери Беларусь халқи ўз овози тингланишига эришиш учун интилиб, демократия, инсон ҳуқуқларига ҳурмат ва асосий эркинликлар сақлаб қолинишини талаб қилмоқда. Мен бош ҳуқуқлари учун курашаётган беларусликларнинг жасорати ва қатъиятини, шу жумладан, Роман Протасевич каби журналистлар, Светлана Тихановская ва унинг эри Сергей Тихановский сингари мухолифат раҳбарларини эътироф этаман. АҚШ Беларусь халқини курашда қўллаб-қувватлашда давом этади», — деб қўшимча қилди Байден.
Оқ уйнинг бошқа хабарига кўра, АҚШ президентининг миллий хавфсизлик бўйича ёрдамчиси Жейк Салливан ушбу ҳодиса масаласида Светлана Тихановская билан музокаралар ўтказган. Салливан Тихановскаяга АҚШ Евроиттифоқ билан ҳамкорликда «Лукашенко режимини жавобгарликка тортишини» айтган.
23 май куни кундузи Афинадан Вильнюсга йўл олган Ryanair авиакомпанияси самолёти Минскка шошилинч қўнди. Унинг бортида Nexta Telegram каналининг собиқ бош муҳаррири Роман Протасевич бор эди — самолёт қўнганидан кейин у қўлга олинди, қолган йўловчилар эса етти соатдан кейин парвозни давом эттириш учун қўйиб юборилди. Беларусь ҳукумати қайд этишича, учувчилар бортда хавфсизликка таҳдид туфайли Минскка қўниш ҳақида қарор қабул қилган.
Мавзуга доир:
- Беларусь ҳукумати Ryanair самолётига бомба ўрнатилгани ҳақидаги хатни ўқиб эшиттирди. Уни портлатиш билан гўёки ҲАМАС ҳаракати таҳдид қилган
- Литва Беларусь ҳаво ҳудудидан ўтадиган рейсларни қабул қилмайди ва жўнатмайди. Мамлакат ўз фуқароларидан Беларусни тарк этишни сўради
- Ryanair рейсининг Минскка мажбурий қўндирилиши Евроиттифоқ саммитида муҳокама қилинади. Авиакомпаниялар Беларусь устидан учишдан бош тортмоқда. Асосий маълумотлар
Изоҳ (0)