«Тошкент Беш ташаббус ҳаракати» ёшлар фестивалида сўзга чиққан Олий Мажлис Қонунчилик палатаси депутати Дониёр Ғаниев Ўзбекистонда муаммоларни ҳал қилишда кузатилаётган энг катта хатолар ҳақида гапириб ўтди.
Ғаниевнинг фикрича, энг катта хато — муаммоларни алоҳида ўрганиб, уларга алоҳида ёндашиш. Депутат муаммолар тизимли ҳал қилинмасдан, уларга алоҳида ёндашиб курашилса, узоққа борилмаслигини таъкидлаган.
«Халқ таълими, олий таълим деймиз, монополия деймиз. Буларнинг ҳаммасига ягона ечим — бу қонун устуворлиги. Иқтисодда рақобатни вужудга келтириш. Иқтисодда рақобат бўлса, коррупция ҳам йўқолади, таълим сифати ҳам ошади. Монополия ҳам йўқолади. Ҳамма муаммолар бир-бирига боғлиқ равишда барҳам топади. Масалан, битта муаммони алоҳида ҳал қилиш деяпмиз, Паст Дарғом тумани ҳақида гапиряпсиз. Паст Дарғомдаги битта муаммони ҳал қилиш — бу кўрпани тортишдек гап-да. Кўрпани тортсак, Шоҳимардон очилиб қоляпти, улар учун кўрпани тортсак, Паст Дарғомда очилиб қоляпти. Бу вақтинчалик чоралар. Тизимли ҳал қилинмас экан, бу барибир вақтинчалик бўлиб қолаверади. Қонун устувор, иқтисодда рақобат бўлиши керак», — дейди депутат.
Эслатиб ўтамиз, аввалроқ Ғаниев ушбу мулоқотда ёшларнинг депутат бўлишга қизиқмаслиги ҳақидаги саволга жавоб бериб, уларнинг асосий сабабларини санаб ўтган эди.
Мавзуга доир:
- «Ҳамма қилинаётган ислоҳотларни … тиқдингиз!» – Дониёр Ғаниев Энергетика вазирлиги раҳбарияти истеъфога чиқиши кераклигини айтди
- «Манфаатлар тўқнашуви учун жавобгарликнинг ўзи йўқ». Депутат Дониёр Ғаниев ҳокимликлардаги тендерлар ҳақида
- «Тошкентда йўл қўйилган хатолардан тўғри хулоса чиқариш керак». Депутат ҳудудларни иккинчи тўлқинга тайёрлаш чораларини таклиф этди
Изоҳ (0)