Toyota компанияси янги Tundra пикапининг қисқа видеотизерини эълон қилди. Тўққиз сонияли видеода оптикадан бошқа бирор нарсани англаш қийин бўлса-да, у 2007 йилдан буён ўзгармаган авлоднинг янгиланган моделига шама қилмоқда, деб ёзади Motor.
Кадрларда асосий блок-фаралар ва Т-симон юриш чироқлари ҳамда бошқа бир нечта ёритиш манбаларини кўриш мумкин: кенг ўлчамли сариқ фаралар, «туманга қарши» ва марказий секция. Шунингдек, суратларда янгича жиҳозланган радиатор панжаралари ҳам кўзга ташланган.
Дастлабки маълумотларга кўра, янги авлод Tundra базасини ички код номи F1 бўлган Toyota платформаси ташкил қилади. Келажакда унда Sequoia ва 4Runner йўлтанламаслари, бундан ташқари, Tacoma пикапи йиғилади.
Моделнинг техник жиҳати борасида ҳозирча расмий маълумотлар йўқ. Тахминларга кўра, пикапнинг мотор гаммаси қаторидан 5,7 литрли V8 йўқолиб кетади, унинг ўрнига кичикроқ двигатель келади: 450 от кучини тақдим этиша қодир 3,5 литрли V6 «твин-турбо». Шу билан бирга, Toyota ўзининг Tundra модели учун гибрид двигатель тайёрламоқда.
Изоҳ (0)