Ўзбекистонда ўтган бир сутка ичида яна қарийб 16 минг киши коронавирусга қарши эмланди
Ўзбекистонда 18 май куни жами 65 551 киши COVID-19’га қарши эмланди, деб хабар берди Соғлиқни сақлаш вазирлиги матбуот хизмати. Шулардан 15 894 нафари биринчи босқичда, 49 657 нафар фуқаро эса иккинчи босқичда эмланган.
Фото: ССВ матбуот хизмати
Ҳозирги кунгача Ўзбекистонда коронавирусга қарши 1 412 312 доза вакцинадан фойдаланилди, уларнинг 286 317 дозаси иккинчи босқичда қўлланилган. Шунга кўра, мамлакатда жами эмланганлар сони 1 125 995 кишини ташкил этмоқда.
18 май кунидаги эмлаш кўрсаткичлари бўйича юқори ўринларни:
Андижон вилояти (11702 доза),
Фарғона вилояти (9729 доза),
Наманган вилояти (8148 доза) банд қилди.
Коронавирусга қарши эмланган жами аҳоли сони:
Фарғона вилоятида 191 014 доза,
Андижон вилоятида 177 190 доза,
Наманган вилоятида 154 771 доза,
Самарқанд вилоятида 138 227 доза
Тошкент шаҳрида 102 849 доза,
Қашқадарё вилоятида 101 526 доза,
Сурхондарё вилоятида 100 406 дозани ташкил қилмоқда.
Эслатиб ўтамиз, Ҳайит байрами муносабати билан эълон қилинган 4 кунлик дам олиш кунларида вакцинация тадбирлари амалга оширилмади ва эмлаш жараёнлари 18 майдан яна бошланди.
Изоҳ (0)