Мўйноқ туманида 14—15 май кунлари анъанавий тарзда ўтказиб келинаётган «Стихия» электрон мусиқий фестивали бўлиб ўтганди. Қорақалпоғистон Республикаси Туризм ва спорт бош бошқармаси ижтимоий тармоқларда фестивалда яланғоч ҳолда ўйнаётгани таъкидланган меҳмонларнинг тарқалган видеосига муносабат билдирди, деб ёзади «Kar24.uz».
Маълум қилинишича, фестивалда Россия, Қозоғистон, Туркия ва Қирғизистондан келган мусиқий продюсерлар, мусиқачилар ва дижейлар иштирок этган. Форумда, шунингдек, Ўзбекистон ва Россия олимлари, экологлари, мутахассислари ҳамда 300 нафарга яқин сайёҳ қатнашган.
Фестиваль доирасида «6 миллиард дарахт» ижтимоий акцияси ўтказилиб, унинг давомида Мўйноқ шаҳрида 5 мингдан ортиқ дарахт экиш кўзда тутилган. Ушбу лойиҳадан кўзланган мақсад минтақадаги экологик вазиятни яхшилаш учун қурғоқчиликка чидамли бўлган бута ва мевали дарахтларни Мўйноқ шаҳри ҳамда Орол денгизининг пастки қисмида босқичма-босқич экишга йўналтирилган.
Ижтимоий тармоқларда мазкур фестиваль давомида бўлгани айтилаётган ялонғоч ҳолда ўйнаётган қизнинг видеолари тарқалмоқда.
«Фестивалда Ички ишлар вазирлиги, Миллий гвардия, Фавқулодда вазиятлар вазирлиги, Соғлиқни сақлаш вазирлиги томонидан жамоат, йўл ҳаракати ва ёнғин хавфсизлиги таъминланди ҳамда иштирокчиларнинг санитария-гигиена қоидаларига амал қилиниши назорат қилинган. Тармоқларда тарқалган ножўя видеолар ‘Стихия’ электрон мусиқа, маданият ва илм фестивалидан олинмаган», — дейилади хабарда.
Изоҳ (0)