2021 йилнинг 13 май куни нафақат Ўзбекистонда, балки бутун дунёда Рамазон ҳайити байрам сифатида нишонланди ва расман дам олиш куни деб белгиланди.
«Ўзбекнефтгаз» АЖ бошқаруви раиси Меҳриддин Абдуллаев томонидан имзоланган буйруққа асосан, дам олиш кунлари ишлаб чиқариш ҳамда қайта ишлашни узлуксиз ташкил этиш мақсадида барча бошқарма, заводларда иш ташкил этилди.
Газли нефть ва газ қазиб чиқариш бошқармасида Хислат Назиров бошчилигида ташкил этилган ишчи гуруҳ дам олиш куни бўлишига қарамай, Миллий гвардия ҳарбий хизматчилари билан биргаликда конлар ва қудуқларда ўрганиш олиб борилди.
Ўрганишлар давомида, шундай улуғ муборак Рамазон ҳайити кунида ҳам ўғирликлар содир қилинаётгани аниқланди.
Жумладан, «Қумли» конидан олинаётган конденсатни ўғирлашга уринганлар ўз мақсадига эриша олмади. Улар томонидан диаметри 720 миллиметр бўлган газ коллекторига тешиб ўрнатилган 2 та хомут аниқланди ва ўғирликнинг олди олинди.
Ўғрилар ўз мақсадига эриша олмаган бўлсада, улар мамлакат иқтисодиётига жуда катта зарар етказди. Чунки улар томонидан тешилган жойларни беркитиш ва таъмирлашда 1,4 миллион куб метр табиий газ йўқотилади. 8 соат давомида эса «Қумли», «Ўртақум», «Шорқум», «Андакли» конлар табиий газ етказиб беришдан тўхтайди.
Бундан ташқари, «Ҳожиқозхон-Кулбешкак» диаметри 426 миллиметр газ коллекторида ҳам хомут ўрнатилгани фош этилди. Айнан ушбу хомутлар ўрнини таъмирлаш учун 250 минг куб метр табиий газ йўқотилади.
«Саватли-Кулбешкак» диаметри 325 миллиметр бўлган газ коллекторидаги хомутларни таъмирлашда 500 минг куб метр газни йўқотишга тўғри келади.
Кўриб турганингиздек, ўғрилар томонидан газ трубаларига хомут ўрнатилиши, аҳолига етказиб бериладиган ёки қайта ишлашга йўналтириладиган табиий газ йўқотилишига сабаб бўлибгина қолмай, мамлакат иқтисодиётига сезиларли даражада зарар етказади.
Эслатиб ўтамиз, «Ўзбекнефтгаз» АЖ бошқаруви раиси Меҳриддин Абдуллаев томонидан айни мана шундай ўғирликларнинг олдини олмасдан, талон-тарожликларга йўл қўйган Газли нефть ва газ қазиб чиқариш бошқармаси бошлиғи ва унинг ўринбосарлари, ўнлаб масъуллар эгаллаб турган лавозимидан озод этилган эди.
«Ўзбекнефтгаз» АЖ матбуот хизмати
Изоҳ (0)