Ўзбекистонда ўтган бир сутка ичида яна 16,5 мингга яқин киши коронавирусга қарши эмланди
Ўзбекистонда 12 май куни жами 48 975 киши COVID-19’га қарши эмланди, деб хабар берди Соғлиқни сақлаш вазирлиги матбуот хизмати. Шулардан 16 494 нафари биринчи босқичда, 32 481 нафар фуқаро эса иккинчи босқичда эмланган.
Фото: ССВ матбуот хизмати
Ҳозирги кунгача Ўзбекистонда коронавирусга қарши 1 285 215 доза вакцинадан фойдаланилди, уларнинг 190 103 дозаси иккинчи босқичда қўлланилган. Шунга кўра, мамлакатда жами эмланганлар сони 1 095 112 кишини ташкил этмоқда.
12 май кунидаги эмлаш кўрсаткичлари бўйича юқори ўринларни
Фарғона вилояти (8495 доза),
Андижон вилояти (7482 доза),
Самарқанд вилояти (7050 доза) банд қилди.
Коронавирусга қарши эмланган жами аҳоли сони:
Фарғона вилоятида 170 212 доза,
Андижон вилоятида 163 505 доза,
Наманган вилоятида 140 338 доза,
Самарқанд вилоятида 123 671 дозани ташкил қилмоқда.
Эслатиб ўтамиз, 17 март куни Ўзбекистонга AstraZenecaвакцинасининг 660 минг дозадан иборат биринчи партияси олиб келинди. COVAX дастури бўйича Ўзбекистонга 2 миллион 256 минг доза AstraZenecaвакцинасини етказиб бериш режа қилинган. Унинг навбатдаги партияси июнь ойида олиб келиниши кутилмоқда.
23 апрелга ўтар кечаси Ўзбекистонга «Спутник V» вакцинасининг биринчи партияси етказиб берилганди (айнан қанча миқдорда вакцина олиб келингани маълум қилинмаган). 27 апрелга ўтар кечаси ушбу вакцинанинг навбатдаги партияси олиб келинди. Аммо Соғлиқни сақлаш вазирлиги айнан қанча вакцина олиб келинганини маълум қилмаган.
27 апрель куни Хитойдан ZF-UZ-VAC 2001 ўзбек—хитой вакцинасининг 1 миллион дозаси ҳам олиб келинди. Хитой—ўзбек вакцинасининг 1 миллион дозадаги дастлабки партияси 27 март куни олиб келинган. Коронавирусга қарши кураш штаби аъзоси Нурмат Отабековнинг сўзларига кўра, Ўзбекистонга Хитойнинг коронавирусга қарши Sinovacвакцинаси келтирилиши мумкин.
Изоҳ (0)