Лондонда кит боласи қутқариб қолинди. У Темза дарёсидаги шлюзга тиқилиб қолган

Лондон жануби-ғарбидан оқиб ўтувчи Темза дарёсидаги шлюзга (тўғонлардаги сув дарвозаси) кичик кит тиқилиб қолди, деб хабар беради Esquire.

Узунлиги тўрт метр келадиган кит боласи сув сатҳининг пасайиши вақтида Ричмонддаги шлюзда пайдо бўлган. Уни 9 май куни соат 19:00 ларда пайқаб қолишган. Қутқарувчилар воқеа жойига тахминан соат 21:00 да етиб келган.

Китни қутқариш ишларига Қироллик қутқарув қайиқчилари миллий институти вакиллари, шунингдек, ўт ўчирувчилар, полицияси ва ғаввослар жалб этилган. Қутқарув ишлари беш соатга яқин давом этган.

Қутқарувчиар етиб келгунига қадар порт ходимлари китнинг устида шлангдан сув қуйиб турган, шлюзни эса сувга тўлдиришга уринишган.

https://twitter.com/mumian814/status/1391574566909235202

Китни қутқариш жараёнини ўнлаб гувоҳлар кузатган, кўпчилик ҳолатни фото ва видеога олган.

https://twitter.com/GarethFurby/status/1391620427244527620

https://twitter.com/mumian814/status/1391576518959288329

https://twitter.com/mattgraveling/status/1391539313930866693

Охир-оқибат кит хавфсиз жойга кўчирилган ва ветеринарлар унинг аҳволини баҳолаган. Маълум қилинишича, китга бироз жароҳат етган.