Ижтимоий тармоқларда Самарқанд шаҳар Чуқур йўли (Курчатова) кўчаси ҳудудидан оқиб ўтувчи Чашма ва Сиёбча коллекторларининг бирлашиш қисмидан бинафша рангдаги, таркибида ифлослантирувчи моддалар меъёридан ортиқча бўлган оқова сувлар оқаётгани ҳақида хабар тарқалди. Экология қўмитаси ахборот хизмати ҳолат юзасидан маълумот берди.
Маълум қилинишича, олиб борилган ўрганиш ва суриштирувлар натижасида Самарқанд вилояти «Сув таъминоти» МЧЖга қарашли СП-3 оқова сув кўтариб бериш станцияси ишламаётгани сабабли шу вазият юзага келган.
Олиб борилган тезкор тадбирларда бахмал мато ишлаб чиқариш фаолияти билан шуғулланадиган «Сайёра текст» оилавий корхонасида ишлаб чиқариш жараёнида ҳосил бўлган оқова сувлар белгиланган тартибда тозаланмасдан тўғридан-тўғри оқава сув ташлаш тармоғига ташланаётгани аниқланди.
Ҳозирда мазкур ҳолат тўлиқ бартараф этилиб, тегишли ҳужжатлар расмийлаштирилмоқда.
Бундан аввал Қибрайдаги «Қонли ариқ» воқеаси юзасидан берилган баёнот , Россиялик блогер томонидан видеоси эълон қилинган Қарши яқинидаги чиқиндихонани тозалаш ишлари бошлангани ҳамда Қўқонда чиқинди кўп ташланадиган марказий кўчаларга видеокамералар ўрнатилгани ҳақида хабар берилганди.
Изоҳ (0)